May 24, 2017 04:45 pm
views : 775
Location : Forward Operating Bases
Islamabad- Air Chief Marshall Sohail Aman visits Forward Operating Bases
اسلام آباد، قوم کو دشمن کے بیانات پر رتی بھر پریشان ہونے کی ضرورت نہیں،ایئرچیف سہیل امان
پاک فضائیہ نے بھارتی ائیرچیف کی دھمکیوں کے بعد کسی بھی مہم جوئی کا منہ
توڑ جواب دینے کے لیے اپنے تمام فارورڈ ایئربیس آپریشنل کردیئے ہیں۔
ترجمان پاک فضائیہ کے مطابق پاک فضائیہ دشمن کی کسی بھی مہم جوئی کا منہ
توڑ جواب دینے کے لیے مکمل طور پر تیار ہے۔ بھارتی ائیرچیف کی دھمکیوں کے
پیش نظر پاک فضائیہ کے تمام فارورڈ آپریٹنگ بیسزمکمل آپریشنل کردیئے گئے
ہیں اور مختلف جنگی طیاروں کی تربیتی پروازیں جاری ہیں۔
ایئرچیف مارشل سہیل امان سیاچن محاذ کے قریب اسکردو میں فارورڈ آپریٹنگ بیس
پر آپریشنل تیاریوں کا جائزہ لینے پہنچے، ایئر چیف نے ناصرف فضائی سرحدوں
کی حفاظت پر مامور جوانوں کے جذبے کو سراہا بلکہ فارورڈ آپریشنل ایریا میں
میراج طیارہ اڑا کر جنگی مشقوں میں حصہ بھی لیا۔
بعد ازاں میڈیا سے بات کرتے ہوئے ایئرچیف سہیل امان نے کہا کہ ہم سارا سال
ہرلمحے تیار رہتے ہیں، یہ معمول کی آپریشنل سرگرمی ہے اور ہمیں کسی کو یہ
بتانے کی ضرورت نہیں کہ ہم تیارہیں، قوم کو دشمن کے بیانات پر رتی بھر
پریشان ہونے کی ضرورت نہیں۔