May 18, 2017 01:53 pm
views : 646
Location : KMC Sports Complex
Karachi- Pro Wrestling Championship
کراچی،کے ایم سی اسپورٹس کمپلیکس میں پرو ریسلنگ کے مقابلے جاری
کراچی میں پی ڈبلیو ای کے مقابلے کے ایم سی اسپورٹس کمپلیکس میں ہوئے جس
میں غیر ملکی پہلوانوں کی زور آزمائی کے بعد پاکستان کے واحد پروفیشنل
ریسلر بادشاہ پہلوان خان کی کارلیٹو کیخلاف جیت کے ساتھ اپنے اختتام کو
پہنچا۔
ملکی تاریخ میں پروفیشنل ریسلنگ کا پہلا ایونٹ ،25غیر ملکی ریسلرز اور
ریفریز کی کراچی آمد ہوئی۔میئر کراچی وسیم اختر نے تمام ریسلرز کا استقبال
کیا اور رنگ میں ایکشن سے قبل آتش بازی کا بھی مظاہرہ کیا گیا ۔
فائٹ سے قبل ریسلرز اپنے اپنے سگنچر اسٹائل میں ارینا میں آئے۔ پہلی فائٹ
میں الجزائر کے یاسین عثمانی نے اٹلی کے فیبیو فیراری کو چت کردیا ، جبکہ
اگلی فائٹ میں ایڈم فیلکس نے کامیابی حاصل کی۔
برطانوی ریسلر ٹائنی آئرن نے ایکساتھ2،2 پہلوانوں کو پچھاڑا، جبکہ خواتین کا معرکہ اینجلز بومبیٹا نے اپنے نام کیا۔
اپنے پسندیدہ ریسلرز کو ایکشن میں دیکھ کرننھے منے فینز خود بھی ریسلرز کے
انداز اپنانے لگے۔مداحوں کا کہنا تھا کہ پاکستان میں پرو ریسلنگ کا انعقاد
خوش آئند ہے۔
ایونٹ کی حتمی فائٹ میں پاکستان کے بادشاہ پہلوان نے پیورٹو ریکو سے تعلق
رکھنے والے حریف کارلیٹو کو زیر کرلیا۔ کارلیٹو نے گڑبڑ کی تو مہمان ریفری
ویڈ بریٹھ کے ہاتھوں بھی منہ کی کھانی پڑی۔
کراچی میں پرو ریسلنگ کے کامیاب انعقاد کے بعد اب ان پہلوانوں کا اگلا پڑاو
لاہور میں ہوگا، جہاں وہ کل اپنے فن کا مظاہرہ کریں گے پھر اسلام آباد
میں ایکشن ہوگا۔