Nov 30, 2016 05:44 pm
views : 984
Location : Naval Headquarter
Islamabad- Chairman Joint Chief of Committee General Zubair Mehmoood Hayat visits Naval Headquarter
اسلام آباد، نئے تعینات ہونے والے چیئرمین جوائنٹ چیفس آف اسٹاف کمیٹی کا نیول ہیڈ کوارٹرز کا دورہ
اسلام آبادمیں نئے تعینات ہونے والے چیئرمین جوائنٹ چیفس آف سٹاف کمیٹی
جنرل زبیر محمود حیات نے نیول ہیڈ کوارٹرز میں چیف آف دی نیول اسٹاف ایڈمرل
محمد ذکاء اللہ سے ملاقات کی۔ چیئرمین جوائنٹ چیفس آف سٹاف کا عہدے
سنبھالنے کے بعد نیول ہیڈ کوارٹرز کا آپ کا یہ پہلا دورہ ہے۔
نیول ہیڈ کوارٹرز آمد پر چیف آف دی نیول اسٹاف ایڈمرل محمد ذکا ء اللہ نے
چیئرمین جوائنٹ چیفس آف سٹاف کمیٹی جنرل زبیر محمود حیات کو خوش آمدیدکہا۔
پاک بحریہ کے چاک و چوبند دستے نے معزز مہمان کو سلامی پیش کی۔سلامی کے
بعدمعزز مہمان کا نیول ہیڈ کوارٹرز میں تعینات پرنسپل سٹاف آفیسرز سے تعارف
کروایا گیا۔
بعد ازاں چیئرمین جوائنٹ چیفس آف سٹاف کمیٹی جنرل زبیر محمود حیات نے چیف
آف دی نیول اسٹاف ایڈمرل محمد ذکا ء اللہ سے ملاقات کی۔ ملاقات کے بعد آپ
کوخطے کی میری ٹائم سیکیورٹی میں پاک بحریہ کے کردار اور بحرِہند میں پاک
بحریہ کی آپریشنل تیاریوں کے بارے میں تفصیلی بریفنگ دی گئی۔ملاقات کے
دوران نیول چیف ایڈمرل محمد ذکا ء اللہ نے چیئرمین جوائنٹ چیفس آف سٹاف
کمیٹی کو جنرل کے عہدے پر ترقی پانے اور دنیا کی بہترین فورسز میں شمار
پاکستان کی مسلح افواج کی کمانڈ سنبھالنے پر پر مبارک بادپیش کی۔
نیول چیف ایڈمرل محمد ذکا ء اللہ نے کہا کہ چیئرمین کی سربراہی میں مسلح
افواج کے آپریشنل اور دیگر انٹر سروسز اْمورکی انجام دہی کے لئے پاک بحریہ
باہمی تعاون اور یکجہتی کو مزید بڑھانے کے لئے اپنی کاوشیں جاری رکھے گی۔
پاکستان نیوی کی طرف سے بھر پور تعاون کا یقین دلایا اور اس امید کا اظہار
کیا کہ جنرل زبیر محمود حیات کی کمانڈ میں پاکستان کی مسلح افواج مزید ترقی
کریں گی اور اپنا بااثر تشخص برقرار رکھیں گی۔
چیئرمین جوائنٹ چیفس آف سٹاف کمیٹی جنرل زبیر محمود حیات نے پاک بحریہ کی
آپریشنل تیاریوں اورپاکستان کی بحری سرحدوں کے دفاع کو ناقابل تسخیر بنانے
میں پاک بحریہ کے کردار پر اطمینان کا اظہار کیا۔انہوں نے یقین دلایا کہ وہ
مسلح افواج کے درمیان باہمی تعاون کو مزید بڑھانے اور ان کو خطے کی مزید
باصلاحیت اور باہمی مربوط فورسز بنانے کے لئے پاکستان کی مسلح افواج کے
ساتھ ہر ممکنہ قریبی روابط رکھیں گے۔