لا ہور ، وزیر اعلیٰ پنجاب محمد شہباز شریف کی زیرصدارت 3 گھنٹے طویل اجلاس
لاہور میں وزیر اعلیٰ پنجاب محمد شہباز شریف کی زیرصدارت 3 گھنٹے طویل
اجلاس ہوا۔اجلاس میں پنجاب ہیلتھ ریفارمز روڈمیپ پر پیش رفت کا تفصیلی
جائزہ لیا گیا۔
برطانیہ کے بین الاقوامی ترقی کے ادارے کے خصوصی نمائندے سر مائیکل باربر
کا کہناتھا کہ چیلنجز کے باوجود شعبہ صحت کی بہتری کیلئے اصلاحاتی پروگرام
پر تیز رفتار پیش رفت اطمینان بخش ہے۔پنجاب حکومت نے امیونائزیشن کے حوالے
سے شاندار کارکردگی دکھائی ہے۔پنجاب حکومت کی امیونائزیشن کوریج 82 فیصد تک
پہنچ گئی ہے۔ امیونائزیشن کوریج میں بہتری بھارت سے بھی بہتر ہے جو پنجاب
حکومت کیلئے اطمینان بخش امر ہے۔
پنجاب حکومت نے مرحلہ وار 5 نئی ویکسینز متعارف کرانے کا فیصلہ کیا
ہے۔وزیراعلیٰ پنجاب محمد شہباز شر یف نے 103 بنیادی مراکز صحت کی اپ
گریڈیشن کی منظوری دے دی۔اپ گریڈیشن کے بعد یہ بنیادی مراکز صحت 24/7 طبی
سہولتیں فراہم کریں گے۔
وزیر اعلیٰ پنجاب شہبا ز شر یف کا کہنا تھا کہ مریض کو بنیادی مراکز صحت
میں علاج معالجے کی سہولت ہر صورت ملنی چاہیئے۔کسی بھی وجہ سے مریض کو علاج
معالجے کی سہولت میسر نہ آنا برداشت نہیں کیا جائے گا۔متعلقہ محکمے اور
ادارے ازخود فیصلے کرکے مریضوں کو علاج معالجے کی سہولتوں کی فراہمی یقینی
بنائیں۔
وزیر اعلیٰ پنجاب شہباز شر یف نے اجلاس میں فیملی پلاننگ کیلئے مربوط لائحہ
عمل تیار کرنے کیلئے کمیٹی تشکیل دینے کی ہدایت کی۔کمیٹی اس ضمن میں مربوط
منصوبہ بندی کرکے اس پر عملدرآمد یقینی بنائے گی۔وزیراعلیٰ پنجاب شہباز شر
یف نے 1200 نرسوں اور 178 فارماسیسٹ کی اضافی آسامیوں پر بھرتی کی منظوری
دے دی۔
وزیر اعلیٰ پنجاب شہبا ز شر یف کا کہنا تھا کہ بھرتی کا تمام عمل شفاف
طریقے سے میرٹ پر کیا جائے۔ایم بی بی ایس کی ڈگری حاصل کرنے والے ڈاکٹرو ں
کیلئے دیہی علاقوں میں ایک سال تک خدمات کی فراہمی لازم ہے۔
وزیراعلیٰ پنجاب شہباز شر یف نے ہدایت کی ہسپتالوں میں صفائی کے نظام کے
ساتھ دیگر جینیٹوریل سروسز کو جلد سے جلد آؤٹ سورس کیا جائے۔بائیومیڈیکل
ریسورس سنٹر کو جنوری 2017 کے آخر تک مکمل کیا جائے۔وزیراعلیٰ نے ہسپتالوں
کی کارکردگی جانچنے کیلئے رینکنگ نظام پر عملدرآمد کی منظوری دے دی۔اچھی
کارکردگی دکھانے والے ہسپتالوں کے عملے کو نقد انعامات دینے کا فیصلہ کرلیا
گیا۔نقد انعامات کے ساتھ تعریفی سرٹیفکیٹس بھی دیئے جائیں گے۔