کراچی،پاکستانی ساحل کے جنوب میں موجود بھارتی آبدوز کا سراغ لگا لیا گیا
پاکستان نیوی نے اعلیٰ پیشہ ورانہ مہارتوں کے ساتھ ہر دم چوکنا رہتے ہوئے
کامیابی سے بھارتی آبدوزکا سراغ لگا کر اْسے پاکستانی سمندری علاقے میں
داخل ہونے سے روک دیا ہے۔
بھارتی مقبوضہ کشمیر میں جاری آزادی کی مقامی تحریک سے توجہ ہٹانے کی خاطر
بھارت پاکستان کے خلاف مسلسل اشتعال انگیز کا روائیوں میں مصروف ہے۔جہاں
بھارتی آرمی لائن آف کنٹرول پرجنگ بندی کی تشویش ناک حد تک لگا تار خلاف
ورزیاں کر رہی ہے وہیں بھارتی بحریہ بھی خفیہ مقاصد کے حصول کے لئے اپنی
آبدوزوں کو پاکستان کے خلاف تعینات کر رہی ہے۔
تاہم پاکستان نیوی نے اعلیٰ پیشہ ورانہ مہارتوں کے ساتھ ہر دم چوکنا رہتے
ہوئے کامیابی سے بھارتی آبدوزکا سراغ لگا کر اْسے پاکستانی سمندری علاقے
میں داخل ہونے سے روک دیا ہے۔
14نومبر2016کو پاکستان کے سمندری علاقے کے جنوب میں پاک بحریہ کے فلیٹ
یونٹس کی مدد سے بھارتی آبدوز کی موجودگی کا سراغ لگایا گیا اور اس کی نقل و
حرکت کو محدود کر دیاہے۔
بعد ازاں بھارتی آبدوز نے اپنی موجودگی کو خفیہ رکھنے کی ہر ممکن کوشش کی
لیکن پاکستان نیوی فلیٹ یونٹس نے آبدوز کا مسلسل تعاقب جا ری رکھا اور اْسے
پاکستانی پانیوں سے دور دھکیل دیاہے۔
گہرے سمندر میں بھارتی بحریہ کی آبدوز کا سراغ لگانا اوراس کی مسلسل نگرانی
کا یہ اہم کارنامہ نہ صرف پاکستا ن نیوی کی اینٹی سب میرین وار فیئرکی
اعلیٰ صلاحیتوں کامنہ بولتا ثبوت ہے بلکہ پاکستان کی بحری سرحدوں کے دفاع
میں بلند عزم اورمضبوط عہد کا بھی عکاس ہے۔