اسلام آباد ، چیئر مین پا کستان تحر یک انصاف عمران خان کا حکومتی کریک ڈاؤن کے خلاف کارکنوں کے ساتھ مل کر لڑنے کا اعلان
پاکستان تحریک انصاف کے چیئرمین عمران خان نے حکومتی کریک ڈاؤن کے خلاف کارکنوں کے ساتھ مل کر لڑنے کا اعلان کیا ہے۔
بنی گالہ میں میڈیا سے بات کرتے ہوئے چیئرمین پاکستان تحریک انصاف عمران
خان کا کہنا تھا کہ ایک وزیراعظم کرپشن کے جرم میں پکڑا گیا ہے اس پر
احتجاج اپوزیشن کا جمہوری اور آئینی حق ہے لیکن ہمارے کارکنوں کو گرفتار
اور اغواء کیا جا رہا ہے۔ کس قانون کے تحت ہمارے خلاف کریک ڈاؤن کیا جا رہا
ہے، لوگوں کے بنیادی حقوق پر ڈاکا ڈالا جا رہا ہے، نواز شریف کی جمہوریت
سے تو پرویز مشرف کی آمریت بہت بہتر تھی، نواز شریف کی جمہوریت کے لبادے
میں بھیڑیا چھپا ہے۔
چیئرمین پاکستان تحریک انصاف عمران خان کا کہنا تھا کہ شریف برادران نے 30
سال سے قوم کو بے وقوف بنا رکھا ہے، یہ دونوں بھائی منافق ہیں اور انہیں
صرف اپنا پیسہ بنانے کی فکر ہے، آصف زرداری منافق نہیں تھا وہ جیسا تھا
ویسا ہی تھا جب کہ ان دونوں بھائیوں کا مقصد اقتدار میں رہ کر پیسا بنانا
اور پھر اپنی کرپشن کو بچانے کے لئے اداروں کو تباہ کرنا ہے۔عمران خان نے
حکومتی کریک ڈاؤن کے خلاف کارکنوں کے ساتھ مل کر لڑنے کا اعلان کرتے ہوئے
کہا کہ حکومت ہمیں گرفتار کر لے لیکن جب ہم باہر آئیں گے تو پھر سے سڑکوں
پر
آ جائیں گے، نواز شریف 2018 کی باتیں کر رہے ہیں لیکن وہ ابھی بہت دور ہے،
2018 سے پہلے بہت کچھ ہو گا۔ سپریم کورٹ ہمارے کارکنوں کی بلا جواز
گرفتاریوں پر ازخود نوٹس لے، یہ ہمارا نہیں بلکہ اس ملک کی عدلیہ کا ٹرائل
ہو رہا ہے۔
خیبر پختونخوا میں گورنر راج کے حوالے سے چیئرمین پاکستان تحریک انصاف
عمران خان کا کہنا تھا کہ اگر حکومت نے گورنر راج لگایا تو صوبے کی عوام
خود اس کا جواب دیں گے۔ جب بھی کرپشن کی بات کرتے ہیں تو انہیں جمہوریت
خطرے میں نظر آنے لگ جاتی ہے لیکن اب حکمران عوام کو مزید بے وقوف نہیں بنا
سکتے اور ان کا احتساب ہو کر رہے گا۔