Jun 26, 2020 06:36 pm
views : 267
Location : Domestic place
Karachi- Former Jamaat-e-Islami Ameer Syed Munawwar Hassan passes away
سابق امیر جماعت اسلامی پاکستان سید منور حسن انتقال کر گئے
سابق امیر جماعت اسلامی
پاکستان سید منور حسن کراچی کے نجی اسپتال میں زیرعلاج رہنے کے بعد انتقال
کر گئے، وہ گزشتہ کئی روزسے نجی اسپتال میں زیر علاج تھے۔
تفصیلات کے مطابق جماعت اسلامی کے سابق امیر سید منور حسن طویل علالت کے باعث کراچی کے مقامی اسپتال میں انتقال کر گئے۔
چند
روز قبل طبیعت بگڑنے پرسید منورحسن کو ڈاکٹروں کی ہدایت کے مطابق وینٹی
لیٹر پر منتقل کیا گیا تھا، امیر جماعت اسلامی پاکستان سینیٹر سراج الحق،
نائب امیر جماعت اسلامی پاکستان لیاقت بلوچ و دیگر مرکزی و مقامی قیادت نے
اسپتال میں زیرعلاج سید منور حسن کی عیادت کی تھی۔
سابق امیر جماعت
اسلامی سید منور حسن جماعت اسلامی پاکستان کے چوتھے امیرتھے، اگست 1941 ء
میں دہلی میں پیدا ہوئے، تقسیم برصغیر کے بعد ان کے خاندان نے پاکستان کو
اپنے مسکن کے طور پر چنا اور کراچی منتقل ہو گئے۔
انہوں نے 1963 ء میں
جامعہ کراچی سے سوشیالوجی میں ایم اے کیا،1966 ء میں دوبارہ کراچی
یونیورسٹی سے اسلامیات میں ایم اے کیا، زمانہ طالب علمی میں ہی منور حسن
اپنی برجستگی اور شستہ تقریر میں معروف ہو گئے، کالج میگزین کے ایڈیٹر بھی
رہے۔