Jun 08, 2020 10:09 pm
views : 262
Location : Malir/Model town
Karachi- Plane crash: Investigation team returns from France with FDR, CVR analyzing report
کراچی،پی آئی اے طیارہ حادثہ،تحقیقاتی ٹیم کے سربراہ اہم شواہد لے کر پاکستان واپس پہنچ گئے
پاکستانی تحقیقاتی ٹیم کے سربراہ ایئرکموڈور عثمان
غنی فرانس میں عالمی ماہرین کے ساتھ مل کر طیارہ حادثے کی تحقیقات کررہے
تھے، وطن واپسی کے لیے وہ فرانس سے جرمنی گئے اور پھر فرینکفرٹ سے پاکستان
انٹرنیشنل ایئرلائن کی خصوصی پرواز پی کے 8734 سے اسلام آباد روانہ ہوئے۔
فرانسیسی
ماہرین نے گزشتہ روز حادثے میں تباہ ہونے والے پی آئی اے کے طیارے کے بلیک
بکس اور کاکپٹ وائس ریکارڈر سمیت دیگر ڈیٹا کو ڈی کوڈ کرنے کے بعد ریکارڈ
ایئر ایکسیڈنٹ اینڈ انویسٹی گیشن بورڈ کے سربراہ عثمان غنی کے حوالے کیا
تھا۔
ایئر کموڈور عثمان غنی اہم شواہد سے متعلق ابتدائی تحقیقاتی رپورٹ
آئندہ چند روز میں ایوی ایشن ڈویژن میں جمع کرائیں گے، ذرائع کے مطابق
کاکپٹ وائس ریکارڈر سے تحقیقات کے دوران اہم معلومات حاصل ہوئی ہیں۔
ایئرکموڈور 22 جون کو وزیر اعظم عمران خان سے ملاقات کریں گے اور طیارہ حادثے کے اہم شواہد پر مبنی رپورٹ وزیر اعظم کو پیش کریں گے۔
یاد
رہے کہ 22 مئی جمعۃ الوداع کو لاہور سے کراچی آنے والا پی آئی اے کا
طیارہ ایئرپورٹ کے قریب واقع ماڈل کالونی جناح گارڈن کی رہائشی آبادی پر
گر کر تباہ ہوگیا تھا جس کے نتیجے میں 97 مسافر ہلاک جبکہ 2 مسافر معجزانہ
طور پر بچ گئے تھے۔ حادثے میں مقامی لوگوں کی ہلاکتیں بھی ہوئیں جبکہ پانچ
گھر مکمل تباہ ہوگئے۔