May 10, 2020 05:00 pm
views : 278
Location : Different Places
Islamabad- Pakistan rejects Indian lawyer’s allegations in kulbbhushan Yadav case
اسلام آباد،پاکستان نے کلبھوشن یادیو کیس میں بھارتی وکیل کے الزامات کو مستردکردیا
پاکستان نے کلبھوشن یادیو کیس میں بھارتی وکیل کے الزامات کو مسترد کرتے ہوئے کہا ہے کہ عالمی عدالت کے فیصلے پر مکمل عملدرآمد کیا گیا۔
ترجمان دفتر خارجہ عائشہ فاروقی کا کہنا تھا کہ کلبھوشن یادیو کے معاملہ پر بھارتی وکیل سالوی نے تین مئی کو اپنے ایک آن لائن لیکچر میں حقائق کے برعکس بیان دیا اور معاملہ دوبارہ عالمی عدالت انصاف میں لے جانے کی دھمکی دی۔
ترجمان کا کہنا تھا کہ پاکستان بھارتی وکیل سالوی کے بے بنیاد اور غلط بیانات کو پختگی کے ساتھ رد کرتا ہے، کلبھوشن کیس میں پاکستان نے عالمی عدالت انصاف کے فیصلے پر پوری طرح عمل کرتے ہوئے قونصلر رسائی دی، ترجمان کا کہنا تھا کہ ذمہ دار ملک ہونے کے ناطے پاکستان اپنی تمام بین الاقوامی ذمہ داریوں کی پاسداری کرتا ہے۔