May 06, 2020 05:33 pm
views : 281
Location : Domestic Place
Lahore- Punjab sacrifices in 18th amendment, Khawaja Saad Rafiq
لاہور، اٹھارویں ترمیم میں پنجاب نے قربانی دی، خواجہ سعد رفیق کہتے ہیں نیب قوانین کا اٹھارویں ترمیم سے کوئی تعلق نہیں ہے
لاہور میں عدالت پیشی کے دوران میڈیا سے بات کرتے ہوئے خواجہ سعد رفیق نے کہا کہ آئین انسان کا بنایا ہوا قانون ہے اس میں ترمیم کی ضرورت ہو تو بات کی جاسکتی ہے، آئین میں ترمیم ایک دن کا مسئلہ نہیں، اٹھارویں ترمیم بھی ایک دن یا مہینے میں نہیں ہوئی, مسلم لیگ (ن) سے اٹھارویں ترمیم میں ترمیم کے حوالے سے کوئی رابطہ نہیں کیا گیا، صوبائی خود مختاری پر کوئی سمجھوتہ نہیں ہونا چاہیے، 18ویں ترمیم کے معاملے پر شور مچایا جارہا ہے، اٹھارویں ترمیم میں پنجاب نے قربانی دی اور اپنا حصہ چھوٹے صوبوں کو دیا۔
سعد رفیق نے کہا کہ نیب کا قانون اور ریاستی امور ایک ساتھ نہیں چل سکتے، نیب قوانین سے سیاسی مخالفین کے ساتھ سرکاری افسران اور کاروباری طبقہ بھی متاثر ہوا ہے، جیلیں غیر سیاسی بے گناہ افراد سے بھری پڑی ہیں، کاروباری طبقہ نیب قوانین کے تحت جیلوں میں ہے ان کی داد رسی ہونی چاہیے۔