May 03, 2020 12:00 am
views : 303
Location : Different Places
Lahore- Maryam Aurangzeb Corona Expresses Concern over Unavailability of Beds in Punjab Hospitals for Patients
کورونا مریضوں کیلئے اسپتالوں میں بیڈز کی کمی پر تشویش ہے، مریم اورنگزیب
ترجمان مسلم لیگ ن مریم اورنگزیب کا کہنا ہے کہ کورونا کے مریضوں کے لیے پنجاب کے اسپتالوں میں بیڈز کی عدم دستیابی پر تشویش ہے۔
مریم اورنگزیب نے اپنے ایک بیان میں پنجاب کے اسپتالوں میں کورونا وائرس کے مریضوں کے لیے بیڈز کی کمی پر تشویش کا اظہار کرتے ہوئے کہا ہے کہ کورونا کی بڑھتی تعداد اور اسپتالوں میں مریضوں کے لیے بیڈز کی عدم دستیابی پریشان کن ہے۔
مریم اورنگزیب نےکہا کہ حکومت بیان بازی اور پریس کانفرنسوں کی بجائے اسپتالوں کے انتظامی امور پر فوری توجہ دے۔
انہوں نے حکومت سے مطالبہ کرتے ہوئے مزید کہا ہے کہ اسپتالوں کو فوری بیڈز مہیا کیے جائیں اور صورتحال کو سنجیدگی سے لیا جائے۔
مریم اورنگزیب نے کورونا وائرس کے مریضوں کیلئے سہولیات فراہم کرنے کا مطالبہ کرتے ہوئے مزید کہا کہ حکومت اپنی ترجیحات درست کرے، تمام اسپتالوں کے انتظامی امور کا فی الفور جائزہ لیا جائے۔