Apr 26, 2020 08:16 pm
views : 276
Location : Different Places
Islamabad- Death toll rises to 256 as coronavirus infects 12,227 people across Pakistan
کراچی، ملک بھر میں کورونا سے متاثرہ مریضوں کی تعداد بڑھ کر 12 ہزار 723 ہوگئی
ملک بھر میں کورونا سے متاثرہ مریضوں کی تعداد بڑھ کر 12 ہزار 723 ہوگئی ہے جب کہ اب تک یہ وائرس 269 افراد کی جان لے چکا ہے۔
نیشنل کمانڈ اینڈ کنٹرول سینٹر کی جانب سے جاری کردہ اعداد و شمار کے مطابق ملک بھر میں مزید 783 افراد میں کورونا کی تصدیق ہوئی ہے جس کے بعد اس وائرس کا شکار افراد کی مصدقہ تعداد 12 ہزار 723 ہوگئی ہے تاہم اس میں سے 2866 افراد نے کورونا کو شکست دے دی ہے۔
پنجاب میں کورونا مریضوں کی تعداد 5378 ہے، اس کے علاوہ سندھ میں 4232 ، خیبرپختونخوا ایک ہزار 793 ، بلوچستان میں سرکاری اعداد و شمار کے مطابق 722، اسلام آباد میں 235، گلگت بلتستان میں 308 جب کہ آزاد کشمیر میں کورونا کے مریضوں کی تعداد 55 ہوگئی ہے۔
نیشنل کمانڈ اینڈ کنٹرول سینٹر کے اعداد و شمار کے مطابق ملک بھر میں کورونا وائرس نے ایک دن میں مزید 15 افراد کی جان لے لی ہے، جس کے بعد ملک میں اس وائرس کے ہاتھوں جہاں فانی سے کوچ کرنے والوں کی تعداد 269 ہوگئی ہے۔ اب تک سب سے زیادہ ہلاکتیں خیبرپختونخوا میں ہوئی ہیں جہاں کورونا سے 93 افراد انتقال کرچکے ہیں۔ اس کے علاوہ سندھ میں 78، پنجاب میں 78، بلوچستان میں 10 جب کہ گلگت بلتستان اور اسلام آباد میں 3،3 افراد اس مہلک وائرس کے باعث جاں بحق ہوئے۔