Apr 17, 2020 04:20 pm
views : 262
Location : Ministry of Foreign Office
Islamabad- Pakistan concerned over rights situation in occupied Kashmir, FO
اسلام آباد، پاکستان کا مقبوضہ کشمیر کی صورتِ حال پر "شدید تشویش "کا اظہار
ترجمان دفترِخارجہ عائشہ فاروقی نے دفترِ خارجہ میں ہفتہ وار بریفنگ کے دوران عالمی اداروں سے مطالبہ کیا کہ وہ کشمیر کی صورتِ حال کا "نوٹس "لیں۔بھارت مسلسل جنگ بندی معاہدوں کے "خلاف ورزی "کر رہا ہے، مقبوضہ کشمیرمیں لوگوں کو "خوراک اور ادویات "کی کمی کا سامنا ہے۔
ترجمان دفترِ خارجہ نے کہا کہ دنیا کورونا وائرس سے نبرد آزما ہے جبکہ مقبوضہ کشمیر میں گزشتہ سال 5 اگست سے اب تک بھارت کے "مظالم جاری "ہیں۔بی جے پی حکومت ہندوتوا کی پالیسوں اور آر ایس ایس کے ایجنڈے پر "عمل پیرا "ہے، مقبوضہ کشمیر میں نقل و حرکت اور معلومات پر مسلسل پابندی ہے۔
عائشہ فاروقی نے کہا کہ پاکستان بھارتی آرمی چیف کے بیان کو مسترد کرتا ہے، بھارت نے رواں برس 765 مرتبہ سیز فائر معاہدے کی خلاف ورزی کی۔آئی اے ای اے نے پاکستان کو کورونا وائرس سے نمٹنے کے لیے طبی سامان فراہم کیا ہے، کورونا کی وبا کے باعث 43 ہزار پاکستانی بیرونی ملک سے وطن واپس آنا چاہتے ہیں۔
ترجمان دفترِ خارجہ نے مزید بتایا کہ اب تک 2287 پاکستانیوں کو 12 خصوصی پروازوں سے وطن واپس لایا جا چکا ہے، وزیرِ اعظم عمران خان نے ترقی پذیر ممالک کے لیے قرض ریلیف کی اپیل کی تھی۔
انہوں نے یہ بھی کہا کہ مختلف ممالک کورونا سے نمٹنے کے لیے پاکستان کی مدد کر رہے ہیں، کورونا کے باعث دنیا بھر میں پھنسے 2200 سے زائد پاکستانیوں کو وطن واپس لائے،کورونا کی صورتِ حال کے تناظر میں عالمی اداروں کے تعاون کا خیر مقدم کرتے ہیں۔