Apr 05, 2020 07:54 pm
views : 305
Location : Pakistan house
Karachi- PM should join hands with the opposition during this crisis: Mustafa Kamal
کراچی، راشن کی تقسیم میں کسی کی تصویر نہیں بنائیں گے،مصطفیٰ کمال
چیئرمین پی ایس پی مصطفیٰ کمال نے وزیراعظم عمران خان سے تمام سیاسی رہنماؤں کو ایک جگہ جمع کرنے کا مطالبہ کردیا ہے۔
پاک سرزمین پارٹی کے چیئرمین مصطفیٰ کمال نے پاکستان ہاؤس میں فلاحی ادارے سیلانی ویلفیئر کے سربراہ بشیر فاروقی کے ہمراہ پریس کانفرنس کرتے ہوئے پی ایس پی فاؤنڈیشن کے تحت جاری فلاحی کاموں کی تفصیلات پیش کیں۔
مصطفیٰ کمال نے کہا کہ راشن کی تقسیم میں کسی کی تصویر نہیں بنائیں گے۔ ہمارے کارکنان اور ہمدرد گھر گھر جا کر راشن تقسیم کررہے ہیں۔
انہوں نے کہا کہ وزیراعظم عمران خان سیاسی اختلافات بھلا کر تمام سیاسی رہنماؤں کو ایک پلیٹ فارم پر جمع کریں۔
پاک سرزمین پارٹی کے مطالبہ کیا کہ آنے والے دنوں میں ریلیف کے کام میں بلدیاتی نمائندوں کو ساتھ رکھا جائے۔ سفید پوش خاندانوں تک راشن پہنچانے میں شہری بھی اپنا مثبت کردار کریں۔
اس موقع پر سیلانی ویلفئیر کے سربراہ بشیر فاروقی کی جانب سے دعا بھی کروائی گئی۔