Mar 01, 2020 06:18 pm
views : 259
Location : Domestic place
Sialkot- Prices of daily use items to be further reduced: Firdous
سیالکوٹ،واز شریف کی واپسی کے لیے وفاقی حکومت، برطانیہ کو خط لکھے گی
وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ آئندہ ہفتے نواز شریف کی واپسی کے لیے وفاقی حکومت، برطانیہ کو خط لکھے گی اور اس حوالے سے اپنا لائحہ عمل واضح کرے گی۔
سیالکوٹ میں پریس کانفرس کے دوران ایک صحافی کے سوال کے جواب میں ان کا کہنا تھا کہ پنجاب حکومت کی جانب سے وفاقی حکومت کو تمام قانونی تقاضے پورے کرکے نواز شریف کو پاکستان واپس لانے کے لیے تجویز موصول ہوئی ہے۔انہوں نے بتایا کہ وفاقی حکومت برطانیہ سے نواز شریف کو ڈی پورٹ کرنے کے لیے خط لکھنے جارہی ہے اور اس حوالے سے آئندہ ہفتے متعلقہ ادارے کو خط لکھیں گے،انہوں نے بتایا کہ 'نواز شریف کی وطن واپسی کے لیے وفاقی حکومت اپنا لائحہ عمل آئندہ ہفتے واضح کرے گی۔
پریس کانفرس کے دوران فردوس عاشق اعوان نے کہا کہ حکومت نے مہنگائی پر قابو پانے اور لوگوں کو فوری ریلیف دینے کا تہیہ کر رکھا ہے،وزیراعظم عمران خان کی مخلصانہ کوششوں سے روز مرہ کی اشیا کی قیمتوں میں کمی واقع ہورہی ہے،فردوس عاشق اعوان نے کہا کہ آئندہ دنوں میں کھانے پینے کی مختلف اشیا کی قیمتوں میں مزید کمی ہوگی اور عام آدمی کا بوجھ کم کیا جائے گا۔انہوں نے کہا کہ چند دن قبل آئی ایم ایف کی ٹیم کے دورہ پاکستان کے موقع پر بے بنیاد خبریں پھیلا کر تاثر دیا گیا کہ آئی ایم ایف کی ٹیم مایوس ہوکر واپس گئی ہے تاہم اب وہ افواہیں دم توڑ گئی ہیں اور آئی ایم ایف نے حکومت کی کاوشوں کو تسلیم کیا، وزیر اعظم اور ان کی معاشی ٹیم کی کارکردگی کو سراہا اور معاہدہ ہوا جو سب نے دیکھا۔