Feb 18, 2020 07:45 pm
views : 262
Location : Domestic place
Islamabad- Double standards are not being adopted in health and education for Afghan refugees, Shah Mehmood
اسلام آباد، افغان مہاجرین کیلئے صحت اور تعلیم میں"دوہرا معیار "نہیں اپنایا جارہا،وزیر خارجہ
تفصیلات کے مطابق افغان مہاجرین کے حوالے سے بین الاقوامی کانفرنس کے دوسرے روز وزیر خارجہ شاہ محمود قریشی نے خطاب کرتے ہوئے کہا کہ پاکستان اور افغانستان جغرافیائی"لحاظ"سے جڑے ہیں۔
شاہ محمود قریشی کا کہنا تھا کہ ہم نے مشترکہ طور پر خطے کو خوشحالی کی طرف لے کر جانا ہے، مہاجرین کی میزبانی میں بلوچستان اور خیبر پختونخواہ کا کردار اہم ہے۔ مستقبل کے لیے پارٹنر شپ بنانے کی ضرورت ہے۔
انہوں نے کہا کہ ہم نے 40 سال افغان مہاجرین کی"میزبانی"کی ہے، مہاجرین سے صحت اور تعلیم میں دوہرا معیار روا نہیں رکھا جارہا۔ مہاجرین کو پورے ملک میں آنے جانے کی"آزادی"ہے۔
وزیر خارجہ کا کہنا تھا کہ کانفرنس میں اتفاق ہوا کہ مہاجرین کی واپسی ڈیل کا حصہ ہونی چاہیئے، مہاجرین کیلئے غیر روایتی"ڈونرز"کے طریقہ کار کو اختیار کرنا چاہیئے۔