Feb 06, 2020 10:05 pm
views : 295
Location : Lahore High Court
Lahore- LHC grants bail to Hamza Shahbaz in Ramzan Suger Mills, other cases
لاہور، شریف خاندان کیلئے ایک اور ریلیف، رمضان شوگر ملز میں حمزہ کی ضمانت منظور
درخواست گزار حمزہ شہباز نے موقف اپنایا کہ نیب نے بد نیتی کی بنیاد پر رمضان شوگر ملز میں تحقیقات کا آغاز کیا، نیب نے رمضان شوگر ملز کے معاملے پر متعدد بار انکوائری کی مگر کچھ بھی نہیں ملا، تحصیل بھوانہ میں نالہ عوامی مفاد میں بنایا گیا تھا، صوبائی کابینہ اور صوبائی اسمبلی نے سیورج نالے کی تعمیر کی منظوری دی تھی۔
درخواستگزار نے عدالت کو بتایا کہ حمزہ شہباز کیخلاف کوئی واضح ثبوت موجود نہیں ہیں، رمضان شوگر ملز میں شریک ملزم شہباز شریف کو پہلے ہی ضمانت پر رہا کیا جا چکا ہے، رمضان شوگر ملز ریفرنس میں فرد جرم عائد ہونے کے بعد حمزہ شہباز کے وارنٹ گرفتاری جاری کئے، حمزہ شہباز صوبائی اسمبلی میں اپوزیشن لیڈر ہے اور گرفتاری سے ذمہ داریوں کی انجام دہی میں مشکلات کا سامنا ہے، عدالت سے استدعا ہے کہ حمزہ شہباز کو ضمانت پر رہا کرنے کا حکم دیا جائے۔
لاہور ہائیکورٹ نے منی لانڈرنگ کیس میں درخواست ضمانت پر کاروائی 11 فروری تک ملتوی کر دی۔