Jan 04, 2020 06:46 pm
views : 281
Location : Domestic Place
Islamabad- Report over excessive gas bills submitted to PM Imran Khan
اسلام آباد، وزیراعظم کا گیس صارفین پر اضافی بوجھ ڈالنے پر شدید برہمی کا اظہار،حکومت کا اضافی گیس بلز کی مد میں صارفین سے وصول رقم واپس کرنے کا فیصلہ
وزیراعظم عمران خان کو ان علاقوں کی رپورٹ پیش کی گئی جہاں کم گیس پریشر کے باوجود اضافی بل بھیجے گئے تھے۔
رپورٹ میں بتایا کہ صارفین کو دستیاب گیس پریشر اور موصول ہونے والے بلوں کا عملی طور پر معائنہ کیا گیا، مختلف جگہوں پر ترسیلی گیس پریشر پر صارفین کو بھاری بھر کم بلز بھیجے گئے۔
وزیراعظم نے گیس صارفین پر اضافی بوجھ ڈالنے پر شدید برہمی کا اظہار کرتے ہوئے اضافی بلوں کی مد میں صارفین سے وصول رقم واپس کرنے کا حکم دیا۔ انہوں نے مختلف علاقوں میں طلب و رسد کی صورتحال پر بھی مسلسل نظر رکھنے اور آئندہ گیس بل حقیقی گیس پریشرکی بنیاد پرجاری کرنے کی ہدایت کی۔
رپورٹ کے مطابق سوئی ناردرن صارفین سے وصول کئے گئے 513 ملین روپے کی رقم واپس کرے گی۔ کمپنی نے فروری اور مارچ2019کیلئے صارفین کو 50 ملین واپس کردیے ہیں اور مزید 463 ملین روپے کی رقم کی واپسی کا سلسلہ بھی شروع کر دیا گیا ہے۔