کراچی،پاکستان نے جذبہ خیر سگالی کے تحت مزید 60 بھارتی قیدیو ں کو رہا کردیا
پاکستان نے جذبہ خیر سگالی کے تحت مزید 60 بھارتی قیدیو ں کو رہا کردیا جن میں پچپن ماہی گیر اور پانچ قیدی دیگر نوعیت کے ہیں۔
پاکستان
کی جانب سے جذبہ خیر سگالی کے تحت 360 بھارتی ماہی گیروں کی رہائی کا
فیصلہ گزشتہ ماہ کیا گیا، جس کے تحت آج چوتھی کھیپ میں 60 قیدیوں کو رہائی
دی گئی۔ رہائی پانے والے 60 قیدیوں کو لانڈھی جیل سے کینٹ اسٹیشن لایا
گیا جس کے بعد انہیں بزنس ٹرین کے ذریعے لاہور اور پھر وہاں پر واہگہ بارڈر
کے مقام پر بھارتی حکام کے حوالے کیا جائے گا۔
آج رہائی پانے والے
ماہی گیروں میں سے 55 کو سمندری حدود کی خلاف ورزی جبکہ 5 کو سرحدی خلاف
ورزی پر حراست میں لیا گیا تھا، ایدھی فاؤنڈیشن کی جانب سے ماہی گیروں کو
تحائف بھی دیے گئے۔
گزشتہ ماہ حکومت پاکستان نے جذبہ خیرسگالی کے تحت
360 بھارتی ماہی گیروں کو رہا کرنے کا فیصلہ کیا تھا جس کے تحت پہلے، دوسرے
اور تیسرے مرحلے میں 100 ، 100 جبکہ چوتھے مرحلے میں 60 افراد کو رہا کیا
گیا،جذبہ خیر سگالی کے تحت ایک ماہ میں 360 بھارتی ماہی گیروں کو جیلوں سے
رہا کیا گیا۔
ذرائع ابلاغ عامہ کے نمائندے سے گفتگو کرتے ہوئے فیصل
ایدھی کا کہنا تھا کہ پاکستان کی جانب سے جذبہ خیر سگالی کے تحت 360 بھارتی
ماہی گیروں کی رہائی کا فیصلہ گزشتہ ماہ کیا گیا، جس کے تحت آج چوتھی
کھیپ میں 60 قیدیوں کو رہائی دی گئی۔
رہا ہونے والے ماہی گیر درگیس کا کہنا تھا کہ تیرہ مہینوں سے پاکستان میں تھے جیل میں ہمارا اچھا خیال رکھا گیا۔