Apr 26, 2019 06:27 pm
views : 338
Location : Domestic Place
Lahore- Cleaning Campaign,Saifullah Kashmiri Reached Lahore
لاہور، ملک بھر میں صفائی کا بیڑا لئے آزاد کشمیر کا شہری سیف اللہ کشمیری لاہور پہنچ گیا
ملک بھر
میں صفائی کا بیڑا لئے آزاد کشمیر کا شہری سیف اللہ کشمیری صوبائی
دارالحکومت لاہور پہنچ گیا۔ لاہور کے مختلف مقامات، باغوں اور تفریح مقامات
کو از خود صاف کرکے لوگوں کو شہر کو صاف رکھنے کا پیغام دیا۔ سیف اللہ
جہاں جاتا ہے اپنے دوستوں کو اکٹھا کرلیتا ہے اور صفائی کا کام سرانجام
دیتا ہے اور اگر کوئی بھی نہ ملے تو وہ خود اکیلا ہی اس کام کو سرانجام
دیتا ہے۔
سیف اللہ کشمیری اس سے قبل بھی ملک کے مختلف شہروں میں صفائی مہم کو سرانجام دے چکا ہے۔
لاہور
کے باغیچے میں کام کرنے والے حسنین فاروق کا کہنا تا کہ مجھے بھی گیارہ
سال یہاں نوکری کرتے ہوئے ہوگئے ہیں ہم سارا دن لوگوں کو صاف ستھرا ماحول
فراہم کرنے کیلئے باغ میں صفائی کا کام کرتے ہیں لیکن عوام ہمارے ساتھ
تعاون نہیں کرتی روزانہ کی بنیاد پر آنے والے لوگ اور اساتذہ کرام جو اپنے
طلباء وطالبات کو لے کر باغوں میں آکر بیٹھتے ہیں ہم انہیں مسلسل آگاہ کرتے
رہتے ہیں تاہم اس کے باوجود وہ کوڑا کرکٹ جگہ جگہ پھینک جاتے ہیں صفائی کی
ہدایت پر کوئی عملدرآمد نہیں کرتا جس کے بعد ہمیں دوبارہ گھنٹوں محنت کرنا
پڑتی ہے۔
اس موقع پر سیف اللہ کشمیری کا کہنا تھا کہ میں نے پاکستان
کی تاریخ کا پہلا ٹور چائنا بارڈر سے گوادر تک کیا۔ پنجاب میں سب سے زیادہ
بہاولپور شہر نے مجھے اپنی خوبصورتی سے بہت متاثر کیاجس کی صفائی بہت زیادہ
تھی، اگر سیاحتی مقامات کا جائزہ لیں تو دیو ساہی سب سے زیادہ صاف نظر آئی
ہے۔ سب سے زیادہ کچے کی بات کی جائے تو جھیل سیف الملوک ایک ایسی جھیل ہے
جہاں پر پاکستان بھر کے سیاح کچرا پھینکا شاید اپنا کام سمجھتے ہیں، ہمیں
اس پر قابو پانا ہوگا ورنہ ہمارا ملک کچرے کا ڈھیر بن جائے گا۔