Mar 21, 2019 06:44 pm
views : 406
Location : Iwan Karkunan-e- Pakistan
Lahore- Nazarya-e-Pakistan Trust Organizes Sesion regards World Water Day
لاہور، بھارت کی آبی جارحیت عالمی سطح پر اٹھائی جائے، نظریہ پاکستان ٹرسٹ کا مطالبہ
نظریہ پاکستان ٹرسٹ کے زیر اہتمام ایوان کارکنان تحریک پاکستان شاہراہ قائد
اعظم لاہور میں عالمی یوم آب کے سلسلے میں ایک فکری نشست بعنوان بھارتی
آبی جارحیت سے درپیش خطرات منعقد کی گئی۔
نظریہ پاکستان ٹرسٹ نے بھارت کی جانب سے کی جانے والی آبی جارحیت کو عالمی
سطح پر اٹھانے کا مطالبہ کرتے ہوئے کہا ہے کہ بھارت سندھ طاس معاہدے کی
خلاف ورزی کرتے ہوئے پاکستانی دریاؤں پر غیر قانونی طریقے سے آبی ذخائر کی
تعمیر کررہا ہے۔ مقررین
کا کہنا تھا کہ پاکستان کو بنجر بنانے کی سازش کی جارہی ہے، اس ضمن میں
نظریہ پاکستان ٹرسٹ مسلسل آواز بلند کررہا ہے۔ ہم چاہتے ہیں کہ حکومت نہ
صرف بھارت سے بات کرے بلکہ عالمی عدالت انصاف اور بین الاقوامی فورمز پر یہ
مسئلہ اٹھائے تاکہ پانی کا مسئلہ حل ہوسکے۔
مقررین کا یہ بھی کہنا تھا کہ پاکستان کو چاہیے کہ بھارت کی آبی جارحیت کو
ہلکا نہ لے ،اس کو پوری دنیا میں اجاگر کریں اور عالمی عدالت انصاف جائیں
اور بھرپور انداز میں پاکستان کا موقف پیش کرے۔ جس پانی اور دریاؤں پر
بھارت کا حق نہیں ہے تو پھر بھارت ہمارے دریاؤں پر کیوں آبی ذخائر بنارہا
ہے، بھارت کی طرف سے معاہدے کی خلاف ورزی کی جارہی ہے۔
مقررین کا یہ بھی کہنا تھا کہ پاکستان کی طرف بہنے والے مشرقی دریاؤں ستلج،
بیاس اور راوی کا سارا پانی اپنی حدود میں بند کرنے کے منصوبے مکمل کرنے
کے بعد بھارت پاکستان کے باقی ماندہ مغربی دریاؤں چناب، جہلم ، سندھ اور ان
کے معاون ندی نالوں پر بڑے بڑے ڈیم بنانے ،بیراج تعمیر کرنے، رابطہ نہر یں
نکالنے اور ان دریاؤں کا رخ کلی طور پر شمال سے جنوب کی طرف موڑ کر اپنی
حدود میں بند کرنے کے متعلق تین سو سے زائد غیر قنانوی منصوبوں پر کام
کررہا ہے۔