Mar 17, 2019 03:32 pm
views : 479
Location : Domestic Place
Islamabad- Death toll of Pakistanis killed in Christchurch attacks rises to 9
کرائسٹ چرچ حملے میں شہید ہونے والے پاکستانیوں کی تعداد 9 ہوگئی
دفتر خارجہ نے کرائسٹ چرچ میں دہشت گردی کے نتیجے میں 9 پاکستانیوں کے شہید ہونے کی تصدیق کردی۔
ٹوئٹر
پر ترجمان دفتر خارجہ ڈاکٹر فیصل کی جانب سے بتایا گیا ہے کہ نیوزی لینڈ
کے شہر کرائسٹ چرچ کی مساجد پر ہونے والے دہشت گردانہ حملوں میں مزید 3
پاکستانیوں ذیشان رضا،ان کے والد غلام حسین اور والدہ کرم بی بی کی شہادت
کی تصدیق ہوئی ہے، جس کے بعد جام شہادت نوش کرنے والے پاکستانیوں کی تعداد 9
ہوگئی ہے۔ انہوں نے کہا کہ دفتر خارجہ شہداء کے خاندانوں سے رابطے میں ہے۔
دفتر
خارجہ نے اس سے قبل سید اریب احمد، محبوب ہارون، سہیل شاہد، سید جہانداد
علی، نعیم رشید اور ان کے بیٹے طلحہ نعیم شہید کی شہادت کی تصدیق کی تھی۔
ترجمان
دفتر خارجہ نے گزشتہ روز اپنی ٹوئٹ میں کہا تھا کہ نیوزی لینڈ میں
پاکستانی ہائی کمیشن سانحہ کرائسٹ چرچ کے حوالے سے مزید تفصیلات اکٹھی
کررہا ہے۔ شہید و زخمی ہونے والے افراد کے اہلخانہ وزٹ ویزا کے لئے درخواست
دے سکتے ہیں۔
وزیر اعظم عمران خان نے کرائسٹ چرچ میں مساجد پر حملہ
کرنے والے کو پکڑنے کی کوشش کرتے ہوئے جام شہادت نوش کرنے والے پاکستانی
نعیم راشد کو قومی اعزاز سے نوازنے کا اعلان کیا ہے۔
ذرائع ابلاغ عامہ
کےنمائندے سے گفتگو کرتے ہوئے شہید سید اریب احمدکے ماموں مظفر خان نے
بتایا کہ اریب نیوزی لینڈ میں چارٹر اکاؤنٹنٹ کی نوکری کرتے تھے جبکہ انہیں
ٹی وی پر انکی شہادت کا پتہ چلا۔
مظفر خان کا مزید کہنا تھا کہ حالیہ واقعے کو کوئی دہشتگردی نہیں کہہ رہا جبکہ یہ ایک دہشتگردی کا واقعہ ہے۔
اریب احمد کے کزن کا کہنا تھا کہ انکی میت پاکستان لانے کی تیاریاں کی جا رہی ہیں جس میں تین سے چار دن لگ سکتے ہیں۔