Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Mar 06, 2019 08:08 pm views : 561

Location : different areas

Karachi- Free of Cost Ambulance Service begins in City

کراچی، شہر قائد میں سندھ حکومت اور امن فاؤنڈیشن  کے تعاون سے پہلی مرتبہ  مفت ایمبولینس سروس شروع

حکومت سندھ اور امن فاؤنڈیشن کے مابین  ایک معاہدے کے تحت پہلی مرتبہ  کراچی میں مفت ایمبولینس سروس شروع کردی گئی ہے۔ایمبولینس کی سہولت حاصل کرنے کیلئے  اب امن فاؤنڈیشن کوئی معاوضہ مریض سے نہیں لے گی بلکہ اس آپریشن کیلئے  آنے والے اخراجات حکومت سندھ برداشت کرے گی۔ اس سلسلے میں ابتدا میں حکومت سندھ نے امن فاؤنڈیشن کی 60ایمبولینس کی خدمات کیلئے  معاہدہ کیاہے اس معاہدے کے بعد اب کوئی بھی صارف امن فاؤنڈیشن کے فون نمبر1021پرفون کرکے ایمبولینس کی سہولت حاصل کی جاسکتی ہے۔
کراچی میں امن فاؤنڈیشن کی ایمبولینس کومریضوں کیلئے  مفت کرنے کیلیے پہلی بار اقدامات کئے  گئے ہیں۔
 ڈبلیو ایچ او  کے مطابق ہر ایک لاکھ افراد پر ایک ایمبولینس لازمی ہوتی ہے مگرکراچی کی آبادی کے لحاظ سے صورتحال مختلف ہے۔کراچی میں ہر 3لاکھ افراد پر ایک ایمبولینس کی سہولت میسر ہے، اس حوالے سے حکومت سندھ نے کراچی میں پبلک پرائیویٹ پارٹنر شپ کے تحت امن فاؤنڈیشن کی 200 مزید ایمبولینس سروسزکی خدمات لینے کا فیصلہ کیا ہے، ابتدائی طورپر 60 بعدازاںرواں سال کے اختتام تک کراچی میں مزید140 ایمبولینس چلائی جائیں گی ۔
جنرل منیجر امن فاؤنڈیشن خاقان سکندر نے بتایا کہ ہماری حکومت سندھ کے ساتھ دو تین سال سے اس حوالے سے بات چیت چل رہی تھی۔ ویسے تو امن ایمبولینس کا آغاز دس برس پہلے ہوا تھا۔ شہر کراچی کی آبادی اور ضرورت کو مد نظر رکھتے ہوئے ایمبولینسز کی استعداد کار کو بڑھانے کا فیصلہ کیا۔ اس ضمن میں حکومت سندھ کے تعاون سے 60 ایمبولینسز پر عملدرآمد مکمل ہوچکا ہے۔ اب شہر کے باسی مفت ایمبولینسز سروس کو استعمال کررہے ہیں۔
خاقان سکندر نے مزید بتایا کہ حکومت سندھ نے جو گرانٹ دی ہے وہ ان 60 ایمبولینسز کو قائم رکھنے کیلئے ہے۔ اس مرحلے کے بعد اب ہم دو سو ایمبولینسز کے ہدف کی طرف بڑھ رہے ہیں جو پبلک پرائیویٹ پارٹنر شپ کے فریم ورک کے تحت چلے گی۔