Feb 28, 2019 09:36 pm
views : 389
Location : Domestic Place
Islamabad- Former PM AJK Barrister Sultan Mehmood Exclusive Interview
اسلام آباد، آزاد کشمیر میں ایل او سی کے پاس جتنے علاقے بھی ہیں خالی ہوچکے ہیں، بیرسٹر سلطان محمود
سابق وزیر اعظم آزاد کشمیر بیرسٹر سلطان محمود کا کہنا ہے کہ آزاد کشمیر
میں ایل او سی کے پاس جتنے علاقے بھی ہیں خالی ہوچکے ہیں، وہاں پر جنگ کی
سی صورتحال بن چکی ہے ۔ 30 برس سے مقبوضہ کشمیر میں بھارت ریاستی دہشت گردی
کررہا ہے اور انسانی حقوق کی خلاف ورزی کررہا ہے اور جبر کے ذریعے رٹ
منوانا چاہتا ہے۔
ایک انٹرویو میں بیرسٹر سطان محمد کا مزید کہنا تھا کہ بھارت میں الیکشن
قریب ہیں، اس لئے نریندر مودی پوائنٹ اسکورنگ کرنا چاہتے ہیں ،بھارت
پاکستان کو معاشی اور ڈپلومیٹکلی آئیسولیٹ کرنا چاہتا ہے، پاکستان میں سی
پیک، ملائیشیاء، یو اے ای اور سعودی عرب سے سرمایہ کاری بھی آرہی ہے۔
پاکستان نے طالبان اور امریکن کی بات چیت کرانی شروع کی ہے اس وقت سے بھارت
افغانستان میں اہم نہیں رہا۔ پاکستان کی ترقی بھارت کو ہضم نہیں ہورہی ہے۔
عالمی برداری نے نہ صرف بھارت کا اصل چہرہ دیکھا ہے بلکہ وہاں کی اپوزیشن
جماعتوں اور سول سوسائٹی نے بھی نو وار کے نعرے لگانے شروع کردیئے ہیں۔
ان کا یہ بھی کہنا تھا کہ کشمیری آزادی کے جذبے سے سرشار ہو کر سات لاکھ
فوج کے ساتھ برسر پیکار ہیں، پلوامہ واقعے کے بعد مزید بیس ہزار فوج مقبوضہ
کشمیر بھیجی گئی ہے، یعنی یہ بھارت کی آدھی فوج ہے جو اس وقت کشمیر میں
لگائی ہوئی ہے۔ پاکستان اور بھارت کے درمیان اصل مسئلہ کشمیر ہے۔ پاکستان
اور بھارت کو موجودہ کشیدگی کے خاتمے کے بعد مسئلہ کشمیر کے حل کی طرف
بڑھنا چاہیے، اگر تنازعہ کشمیر حل نہ کیا گیا تو آئندہ بھی ایسی صورتحال
مزید ہوتی رہی گی۔