Jan 27, 2019 06:36 pm
views : 535
Location : Domestic Place
Lahore- E-Tagging Wildlife
لاہور، پنجاب میں نایاب جنگلی جانوروں کی ای ٹیکنگ کا فیصلہ
محکمہ تحفظ جنگلی حیات پنجاب نے نایاب جانوروں اور پرندوں کی غیر قانونی
خرید وفروخت اور اسمگلنگ کی روک تھام کیلئے صوبے بھر میں موجود بریڈنگ
سینٹرز میں موجود جانوروں اور پرندوں کا ریکارڈ جمع کرکے کمپیوٹرائزڈ کرنے
کا فیصلہ کیا ہے۔محکمہ تحفظ جنگلی حیات کی طرف سے صوبے کے تمام ڈسٹرکٹ
وائلڈ لائف آفیسروں کو ہدایات جاری کی گئی ہیں کہ وہ اپنے علاقوں میں موجود
بریڈنگ سینٹرز کا ڈیٹا جمع کریں۔ اس حوالے سے ڈسٹرکٹ وائلڈ لائف آفیسر
لاہور تنویر جنجوعہ نے باقاعدہ کام شروع کردیا ہے اور لاہور میں موجود 80
فیصد بریڈنگ سینٹرز کا ڈیٹا حاصل کرلیا گیا ہے۔
ڈسٹرکٹ وائلڈ لائف آفیسر لاہور تنویر جنجوعہ کا کہنا ہے کہ بریڈنگ سینٹرز
کا ریکارڈ کمپیوٹرائزد ہونے سے نہ صرف درست اعداد وشمارمعلوم ہوسکیں گے
بلکہ ان بریڈنگ سینٹرز میں جیسے ہی کسی نئے جانور اور پرندے کی پیدائش ہوگی
اس بارے میں بھی محکمہ آگاہ رہے گا، ڈسٹرکٹ وائلڈ آفیسر سال میں دو مرتبہ
بریڈنگ سینٹرز کے دورہ اور وہاں موجود جانوروں اور پرندوں کے اعداد وشمار
کی تصدیق کرنے کے پابند ہوں گے۔
تنویر جنجوعہ کا یہ بھی کہنا تھا کہ اس اقدام سے پنجاب میں نایاب جانوروں
اور پرندوں کی غیر قانونی خرید وفروخت اور اسملنگ کی روک تھام میں مدد ملے
گی۔ بریڈنگ سینٹرز کے مالکان کو اس بات کا پابند کیا جائے گا کہ وہ اپنے
بریڈنگ سینٹر میں موجود جانوروں اور پرندوں کی ٹیکنگ کرے تاکہ اگر ان
جانوروں اور پرندوں کی خرید وفروخت ہوتی ہے تو ٹیگ کی مدد سے فوری معلوم
ہوسکے گا کہ یہ جانور اور پرندہ کس بریڈنگ سینٹر سے لایا گیا ہے۔
بریڈنگ مارکیٹ کے نائب صدر چانڈ بٹ کا کہنا تھا کہ صوبائی حکومت مارکیٹوں
کی صفائی ستھرائی کیلئے کوئی مناسب بندوبست کرے۔ محکمہ جنگلی حیات کے حکام
اور ملازمین ہمارے ساتھ ہر قسم کا تعاون کرتے ہیں اور ہفتے میں دو تین
مرتبہ دورہ بریڈنگ مارکیٹ کا دورہ بھی کرتے ہیں۔
بریڈنگ مارکیٹ کی دکان میں کام کرنے والے ملازم محمد ہارون کا کہنا ہے کہ
پرندوں اور جانوروں کو بیماری کی حالت میں ادویات دے کر صحتیاب کیا جاتا ہے
اس کے علاوہ باجرہ وغیرہ اور بھرپور خوراک بھی دی جاتی ہے۔