دنیا
میں چاہے کتنے ہی موسم بدلتے رہیں لیکن کھانے پینے کا موسم کبھی نہیں
بدلتاجس کا سب سے بڑا ثبوت لاہور میں ناشتے سے لیکر رات کے کھانے تک من
پسند اور روایتی کھانوں کے بازار ہیں جہاں کبھی لوگوں کی آمدورفت کم نہیں
ہوتی، سردی شروع ہوتے ہی سب اپنے کھانوں اورپینے کی اشیا کوترجیح دیتے ہیں،
روایتی اور مزیدار چیزوں میں لسی سرفہرست ہے جسے کسی موسم میں
نظراندازنہیں کیاجاتااوریہ واحد چیزہے جو بڑوں کے ساتھ ساتھ بچوں کو بھی
پسند ہوتی ہے۔
لاہورمیں
چھٹی کے روزتوناشتہ سے لیکر رات کے کھانے تک ہرجگہ بڑارش ہوتا ہے لیکن عام
دنوں میں بھی کھانے کے ساتھ ساتھ لاہورکی مشہورومعروف لسی شاپس پر رش کم
نہیں ہوتا۔
لاہوری
تفریح اورکھانے پینے کا کوئی موقع ہاتھ سے جانے نہیں دیتے ، ان کا کہنا ہے
کہ جینا ہے توکھانا ہے، جبکہ کھانے کے ساتھ اگر لسی نہ ہوتوکھانے کا مزہ
ہی نہیں آتا۔
لسی
مشروب مشرق ہے،مکھن نکلی ہوئی لسی پینے سے کبھی دل کا عارضہ نہیں ہوتا،
لسی کے بیکٹیریا پیٹ میں موجود مختلف امراض کے جراثیموں سے جنگ کرکے انہیں
ختم کردیتے ہیں، موسم کے حساب سے لسی کااستعمال مختلف امراض اورکمزوری سے
محفوظ رکھتا ہے بلکہ طاقت وتوانائی کاسرچشمہ بھی ہے کیونکہ اس میں کیلشیم،
میگنیشم، پروٹیم، سوڈیم، فاسفورس، کلورین، سلفر جیسے نمکیات ہوتے ہیں جو
گوشت اور ہڈیوں کی پرورش میں بہت زیادہ معاون ثابت ہوتے ہیں۔
لاہورکی
معروف لسی شاپ پر دوستوں کے ہمراہ ناشتے کے بعد لسی پینے کیلئے آنے والے
نوجوان کا کہنا تھا کہ لسی انتہائی مفید چیز ہے جو لاہوریوں کی جان ہے ،
میں اپنے لندن سے آنے والے دوست کی فرمائش پر خصوصی طورپر لسی پینے کیلئے
آئے ہیں۔
لسی
پینے کیلئے آنے والے ایک اور نوجوان کاکہنا تھا کہ وہ لاہور کی سب سے
مشہورلسی پینے کیلئے آتے رہتے ہیں، لسی لاہورکے کلچر کااہم حصہ ہے جس کے
بغیر لاہوری اپنے آپ کوادھوراسمجھتے ہیں جبکہ عام کولڈڈرنکس اورمشروبات کے
برعکس لاہوری لسی پینے کو زیادہ ترجیح دیتے ہیں۔