Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Jan 07, 2019 04:15 pm views : 466

Location : Railway Ground

Karachi- Pakistan Hindu Council Organizes Mass Marriage

کراچی :پاکستان ہندو کونسل کے تحت کراچی میں اجتماعی شادی کی تقریب کا انعقاد

پاکستان ہندو کونسل کے تحت کراچی میں اجتماعی شادی کی تقریب کا انعقاد کیا گیا، تقریب میں شہریوں کی بڑی تعداد شریک ہوئی، حاضرین نے زندگی کا نیا سفر شروع کرنے والے جوڑوں کو مبارکباد دی۔
 پاکستان ریلوے کے وسیع گرائونڈ میں پاکستان ہندو کونسل کی جانب سے ہندو برادری کے79 جوڑوں کی اجتماعی شادی کا اہتمام کیا گیا جس میں دولہا دلہن اور ان کے رشتہ داروں کے ساتھ ساتھ مختلف سیاسی وسماجی شخصیات نے بھی شرکت کی، اس موقع پر دولہا دلہن کی خوشی دیدنی تھی۔
 ہندو برادری کا کہنا تھا کہ ہم پاکستان میں بہت خوش ہیں ہمیں یہاں ہر طرح کی مذہبی آزادی اورہر طرح کا تحفظ حاصل ہے، ان کا مزید کہنا تھا کہ حکومت پاکستان ہمیں شروع سے آج تک سپورٹ کررہی ہے۔
 ان دولہا دلہن کے غریب والدین نے بھی پاکستان ہندو کونسل کے اس اقدام کو خوب سراہا، اس موقع پر پاکستان کی ترقی اور خوشحالی کیلئے خصوصی دعائیں بھی مانگی گئیں۔
ایک دولہا کا کہناتھاکہ وہ انتہائی غریب ہے،اس کی منگنی ہوچکی تھی لیکن شادی کے لئے پیسے نہیں تھے ، پاکستان ہندوکونسل نے نہ صرف اس کی شادی کے انتظامات کئے بلکہ جہیز بھی فراہم کیا ،آج اپنی شادی پر وہ بہت خوش وخرم ہے اور پاکستان ہندوکونسل کے سربراہ ڈاکٹررمیش کمار کا شکرگزار ہے جس کی وجہ سے وہ نئی زندگی کی شروعات کررہا ہے۔
ایک دلہن کا کہنا تھا کہ غریبوں کیلئے شادی کاانتظام کرنا بہت اچھی بات ہے ، پاکستان ہندوکونسل نے بہت اچھے انتظامات کئے ہیں، وہ اپنی شادی اوراس کے انتظامات پر پاکستان ہندوکونسل کی ممنون ومشکورہے۔