پاکستان
تحریک انصاف کے رکن سندھ اسمبلی خرم شیر زمان نے حکومت سندھ کی کارکردگی
پر شدید تنقید کرتے ہوئے کہا کہ صوبہ سندھ کی حکومت کی کارکردگی بالکل
صفرہے، سندھ کے عوام کا کوئی پرسان حال نہیں ہے، سندھ میں حکومت کا یہ حال
ہے کہ یہاں کے عوام بھوک اور پیاس سے مررہے ہیں ، بیمار ہوں تو نجی
اسپتالوں میں جانا پڑتا ہے، بچوںکی تعلیم کیلئے نجی اسکولوں کاسہارا لینا
پڑتا ہے،پانی پینا ہوتو اس کے لئے بھی پانی کی بوتل خریدنی پڑتی ہے،امیر
لوگ سیکیورٹی کے مسائل پر نجی گارڈ رکھتے ہیں، پورے صوبے میں پبلک
ٹرانسپورٹ کا کوئی نظام نہیں ہے، سفر کیلئے اوبراورکریم کوبلایا
جاتاہے،سندھ حکومت صوبے کے کسی شعبے میں کہیں نظر نہیں آرہی ۔
سندھ
اسمبلی کے باہر ابلاغ عامہ کے نمائندوں سے بات چیت کرتے ہوئے انہوںنے
وزیراعلی سندھ سید مراد علی شاہ سے سوال کیا ہے کہ انہوں نے سندھ سیکریٹریٹ
کے اپنے نمائشی دورے کے بعد کون کون سے اقدامات کئے ؟کتنے عوامی مسائل حل
کئے ، جو سیکریٹریز ڈیوٹی پر موجود نہیں تھے ان کیخلا ف کیا ایکشن کیا ۔
انہوںنے کہا کہ گذشتہ 11سال سے وزیراعلی ہاﺅس میں ایک عوامی شکایتی سیل
قائم ہے ،اس سیل میں آنے والی عوامی درخواستوں پر آپ نے اورحکومت سندھ نے
کتنے عوامی مسائل حل کئے اور کتنی شکایتوں کو ازالہ کیا گیا؟انہوں نے انہوں
نے کہاکہ ہم یہاں پر اداروں کو جگانے اوریہ بتانے آئے ہیں کہ اگرکام نہ
کرنے والا یہی افسوسناک رویہ رہا تو ہم اس طرح کسی کو کام نہیں کرنے دینگے ،
سندھ کے وزیراعلی اورانتظامیہ کو عوامی مسائل حل کرنے پڑیں گے اور کام
کرنا پڑے گا۔