اسلام آباد، وزیراعظم سے ترک وزیر داخلہ کی ملاقات، دو طرفہ تعلقات پر گفتگو
وزیراعظم عمران خان سے ترکی کے وزیر داخلہ سلیمان سوئلو نے
ملاقات کی۔ ترک وزیرداخلہ نے اپنی قیادت کی طرف سے عمران خان کو منصب
سنبھالنے پر مبارکباد دی۔
سلیمان سوئلو نے ترک صدرکی جانب سے وزیراعظم عمران خان کے نام تہنیتی پیغام
بھی پہنچایا۔
ملاقات میں پاک ترک تعلقات کو مختلف شعبوں میں فروغ دینے پر
بات چیت کی گئی۔
ترک وزیرداخلہ سلیمان سوئلو نے پاکستان کو ہر ممکن تعاون
کی یقین دہانی کرائی۔
ترک وزیر داخلہ نے وزیراعظم عمران خان کو دورہ ترکی کی دعوت دی جبکہ
وزیراعظم عمران خان نے ترک صدر و دیگر قیادت کو دورہ پاکستان کی دعوت دی۔
وزیراعظم نے پاک ترک تعلقات پر اطمینان کا اظہار کیا۔