Dec 15, 2018 08:24 pm
views : 528
Location : Governor House
Karachi- Federal Petrolium Minister Ghulam Sarwar & Governor Sindh Media Talk
کراچی، گیس اسٹیشن کھلواکر واپس جاؤں گا، وزیر پیٹرولیم
وفاقی وزیر پٹرولیم غلام سرور نے کہا ہے کہ سندھ حکومت کو بھی ساتھ لے کر
چلنا چاہتے ہیں، وزیر اعظم کی ہدایت پر وزیر اعلیٰ سندھ سے بھی ملاقات کی،
سردیوں میں کیپٹو پاورپلانٹس کو 50 فیصد گیس فراہم کی جائےگی جبکہ پنجاب
میں صنعتوں کو بلا تعطل گیس فراہم کی جائے گی۔
وزیر پٹرولیم غلام سرور نے گورنر سندھ عمران اسماعیل کے ہمراہ میڈیا سے
گفتگو کرتے ہوئے کہا کہ کراچی میں رات 8 بجے سی این جی اسٹیشنز کھل جائیں
گے، ساڑھے 8 بجے سی این جی اسٹیشنز کھلوا کر واپس جاؤں گا۔
ان کا کہنا تھا کہ گیس کے مسائل جاننے کیلئے متعلقہ اداروں کا دورہ کیا،
گیس پیداوار میں اچانک کمی کی تحقیقات کر رہے ہیں۔ انکا مزید کہنا تھا کہ
گیس سیکٹر کو زیادہ سے زیادہ ریلیف دینے کی کوشش کر رہے ہیں۔ وزیر پٹرولیم
کا یہ بھی کہنا تھا کہ وزیر اعظم نے 72 گھنٹے میں رپورٹ مانگی ہے، انکوائری
کرنے والی کمیٹی میں ساری چیزیں سامنے آ جائیں گی، انکوائری کمیٹی میں
میرا نام شامل نہیں ہے، پروڈکشن کم ہونے سے سب کو مشکلات کا سامنا کرنا
پڑا۔
یاد رہے کہ سندھ بھر میں گیس کے بحران سے شہر قائد کے باسی بری طرح متاثر
ہوئے ہیں، مسلسل ساتویں روز بھی سی این جی اسٹیشنز بند ہونے سے بڑی بسیں،
منی بسیں اور رکشے بھی سڑکوں سے غائب ہیں جس کے باعث نہ صرف اس ٹرانسپورٹ
پر سفر کرنے والے پریشان ہیں بلکہ سی این جی اسٹیشنز پر یومیہ اجرت پر کام
کرنے والے ورکرز کو بھی مشکلات کا سامنا ہے۔