سکھ مذہب
کے بانی بابا گرونانک دیو جی کے549 ویں جنم دن کی تقریبات میں شرکت کے لئے بھارت
سمیت دنیا بھر سے پاکستان آنے والے اڑتیس سو سکھ یاتریوں نے گوردوارہ سچا سودا فاروق آباد کی یاترا کی۔جنم دن کی مرکزی تقریب کل 23 نومبر کو جنم استھا ن ننکانہ صاحب میں ہو گی جس
میں مختلف سیاسی و مذہبی اور اقلیتی رہنماءشریک ہونگے۔
یاترا پر آئے ایک بزرگ سکھ کا کہنا تھا کہ ہم یہاں ہر سال آکر لنگر کرتے
ہیں کیونکہ سچے بادشاہ نے بیس روپے سے لنگر کا آغاز کیا تھا، ہم بیس
ٹوکریاں مٹھائی کے لاتے ہیں تقسیم کرتے کرتے دو گھنٹے لگ جاتے ہیں، ہمیں
بہت خوشی محسوس ہوتی ہے۔ ہم محکمہ اوقاف کے بہت مشکور ہیں کہ انہوں نے سچا
سودا گوردوارہ میں صفائی ستھرائی کے بہترین انتظام کئے ہیں اور یہاں ہمارے
خوش آمدید کہنے کیلئے پھولوں کی کیاریاں بھی لگائی ہیں۔ یاترا کے روز یہاں
بہت ہجوم ہوتا ہے ، ہرسو پرساد دو پرساد دو کی صدائیں آتی ہیں۔ بابا
گرونانک کے بیس روپے سے شروع ہونے والا لنگر آج دنیا بھر میں چل رہا ہے اور
رہتی دنیا تک چلتا رہے گا۔
ایک اور سکھ یاتری کا کہنا تھاکہ میں دنیا بھر میں بسنے والی سکھ برادری کو
مبارکباد پیش کرتا ہوں، میں یہاں لندن سے یاترا کیلئے سچا سودا گوردوارہ
آیا ہوں، یہاں پر نانا صاحب نے بیس روپے سے لنگر کی بنیاد رکھی تھی اور آج
دنیا بھر میں لنگر چل رہا ہے۔ میری پراتنا ہے کہ بابا گرو نانک پر حاضری کی
منشاء رکھنے والوں کی کامنائیں ضرور پوری ہوں۔ پاکستان میں کسی بھی قسم کی
کوئی پریشانی نہیں اٹھاتی پڑتی، حکومت پاکستان ہر قسم کا پورا پورا تحفظ
فراہم کرتی ہے۔
سکھ یاتری 24نومبر
کو بذریعہ سپیشل ٹرین گورو دوارہ پنجہ صاحب حسن ابدال جائیں گے اور ایک
روز قیام کے بعد 26نومبر کو گورو دورہ ڈیرہ صاحب لاہورآئیں گے، 28نومبر کو
یاتر ی گورو دوارہ روہڑی صاحب ایمن آباد اور گورو دوارہ دربار صاحب کرتار
پور نارووال کا دورہ کریں گے۔
سکھ یاتری30نومبر کوسپیشل ٹرین کے ذریعے واپس بھارت چلے جائیں گے ۔