کراچی، شاہ رخ جتوئی کو ڈیتھ سیل منتقل کیا جائے، چیف جسٹس برہم
چیف جسٹس میاں ثاقب نثار نے لانڈھی جیل کا دورہ کیا جہاں ملزم شاہ رخ جتوئی
کو سی کلاس میں دیکھ برہم ہوگئے۔ انہوں نے ہدایت کی کہ شاہ رخ جتوئی کو
فوری ڈیتھ سیل منتقل کیا جائے۔
چیف جسٹس سپریم کورٹ جسٹس میاں ثاقب نثار کراچی رجسٹری میں مقدمات کی سماعت
کے بعد شہر کے دورے پر نکلے۔
چیف جسٹس نے بن قاسم پر واقع ملٹی نیشنل کمپنی
کے واٹر ٹریٹمنٹ پلانٹ کا دورہ کیا۔ چیف جسٹس نے ملٹی نیشنل کمپنی کے ذمہ
داران کو شام تک رپورٹ جمع کروانے کا حکم دے دیا۔
جسٹس ثاقب نثار کا کہنا تھا کہ جس جگہ یہ کمپنی قائم ہے یہ جگہ لیز نہیں
ہے، شام تک افسران سے رپورٹ طلب کی ہے۔ رپورٹ آنے کے بعد فیصلہ کریں گے ان
کا کیا کرنا ہے۔چیف جسٹس نے ملٹی نیشنل کمپنی کے فنانس ڈپارٹمنٹ کا بھی
دورہ کیا۔
بعد ازاں چیف جسٹس لانڈھی جیل پہنچے جہاں انہوں نے مختلف بیرکس کا دورہ
کیا۔چیف جسٹس نے ملزم شاہ رخ جتوئی کو سی کلاس میں دیکھ کر برہمی کا اظہار
کیا۔