Oct 22, 2018 05:48 pm
views : 543
Islamabad- Minister of state for Interior Addresses
Swat-After 12 years Pak Army hands over security
اسلام آباد، عوام کے ایک ایک پیسے کی ذمہ دار ریاست ہوتی ہے، شہریار آفریدیسوات: پاک فوج نے 12سال بعد اختیارات سول انتظامیہ کے حوالے کردیے
اسلام آباد میں نیا پاکستان ہاؤسنگ پروگرام کی افتتاحی تقریب سے وزیر
مملکت داخلہ شہریار آفریدی نے خطاب کرتے ہوئے مزید کہا کہ ہاؤسنگ اسکیم کی
رجسٹریشن آج سے 21 دسمبر تک جاری رہے گی، ون ونڈو سروس کے ذریعے لوگوں کو
گھر دیے جائیں گے۔
انہوں نے کہا کہ تنقید اور مذاق اڑانا آسان ہے، نیک نیت ہوتے ہیں تو اللہ
کی مدد ہوتی ہے۔ گھر ہر شہری کی خواہش ہے لیکن یہاں قرضوں کا بوجھ ہے۔ پورے
پاکستان میں ہمیں اس وقت ایک کروڑ گھروں کی ضرورت ہے۔
وزیر مملکت کا کہنا تھا کہ عام آدمی کا معیار زندگی بہتر بنانا حکومت کی
اولین ترجیح ہے، تنقید کرنا آسان اور عملی طور پر کچھ کرنا مشکل ہوتا ہے،
عوام کے ایک ایک پیسے کی ذمہ دار ریاست ہوتی ہے۔
انہوں نے کہا کہ گھر نہ ہونے کے باعث عام آدمی سسک سسک کر زندگی گزار رہا
ہے۔ ہاؤسنگ اسکیم سے شہریوں کو کم لاگت سے اپنا گھر فراہم کریں گے۔
Story#2
سوات میں کانجو ایئرپورٹ پر پاک فوج کی جانب سے اختیارات حوالے کرنے کی
تقریب کا انعقاد کیا گیا، تقریب میں وزیراعلیٰ کے پی محمود خان،کور
کمانڈرپشاور نے شرکت کی، کمشنر مالاکنڈ اور ڈی آئی جی سعید خان وزیر بھی
شریک ہوئے۔جنرل آپریشنل کمانڈر میجرجنرل خالد سعید کی جانب سے بریفنگ دی
گئی۔تقریب میں پاک فوج نے 12 سال بعد اختیارات باضابطہ سول انتظامیہ کے
حوالے کردیے۔
تقریب سے خطاب کرتے ہوئے کورکمانڈرپشاورنذیربٹ نے کہا پاک فوج نے دہشت
گردوں کا صفایا کیا، امن عوام اور فورسزکی قربانیوں کا نتیجہ ہے، عوام نے
بہادری سے دہشت گردوں کا مقابلہ کیا۔ آج کا سوات ایک مختلف سوات ہے، امن
لوٹ چکا ہے ،تجارت اور ترقی کا آغاز ہوچکا ہے ، آج سوات کی بنیادی ذمے
داری انتظامیہ کے حوالے کردی، 80 فیصد چیک پوسٹوں کو ختم کردیا۔
وزیراعلیٰ کے پی محمودخان نے سوات میں خطاب کرتے ہوئے کہا جنت نظیروادی
پرقبضہ کیاگیاتھا، دہشت گردی عروج پرتھی لیکن عوام نےبہادری کامظاہرہ کیا ،
پاک فوج اورعوام نے دہشت گردی کے خاتمے کیلئے قربانیاں دیں۔