رسالپور، پاک افواج کسی بھی چیلنج سے نمٹنے کی صلاحیت رکھتی ہے، صدر مملکت
صدر مملکت ڈاکٹر عارف علوی نے پی اے ایف اصغر خان اکیڈمی میں پاسنگ آؤٹ
پریڈ سے خطاب کرتے ہوئے کہا کہ پاک افواج کسی بھی چیلنج سے نمٹنے کی صلاحیت
رکھتی ہے۔
رسالپور میں پی اے ایف اصغر خان اکیڈمی میں پاسنگ آؤٹ پریڈ ہوئی۔ صدر عارف
علوی تقریب کے مہمان خصوصی تھے۔ سربراہ پاک فضائیہ ایئر چیف مجاہد انور
خان نے صدر مملکت ڈاکٹر عارف علوی کا استقبال کیا۔
صدر مملکت ڈاکٹر عارف علوی نے پی اے ایف اصغر خان اکیڈمی میں پاسنگ آؤٹ
پریڈ سے خطاب کرتے ہوئے کہا کہ تقریب میں شرکت باعث فخر ہے، تربیت کسی بھی
کیڈٹ کی زندگی کا اہم حصہ ہے۔پاک افواج کسی بھی چیلنج سے نمٹنے کی صلاحیت
رکھتی ہے۔
پریڈ میں 140 جی ڈی پائلٹ، 86 انجینئرنگ کیڈٹ، 96 ایئر ڈیفنس اور 21 ایڈمن کورس کے کیڈٹ شامل تھے۔