Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Oct 06, 2018 07:50 pm views : 509

Location : Domestic Place

Multan- Foreign Minister Shah Mehmood Qureshi Press briefing

ملتان، مائیک پومپیو کیساتھ ملاقات کے بعد امریکا کے مؤقف میں تبدیلی آئی، شاہ محمود قریشی

وزیر خارجہ شاہ محمود قریشی کا کہنا ہے کہ  اقوام متحدہ اجلاس میں پاکستان کا نقطہ نظر پیش کیا، شہباز شریف کی گرفتاری عدالتی عمل ہے، شہباز شریف کو قانونی جنگ لڑنے کا حق ہے۔
ملتان میں ذرائع ابلاغ عامہ کے نمائندوں سے  گفتگو کرتے ہوئے شاہ محمود قریشی مزید کہنا تھا کہ  اقوام متحدہ اجلاس میں کسی جماعت نہیں پاکستان کے موقف کو اجاگر کیا۔ امریکا کیساتھ تعلقات کو صرف افغانستان اور بھارت کے چشمے سے دیکھنا درست نہیں، تعلقات میں بہتری کیلئے  کوشش جاری ہیں،  امریکا دو سال سے مسلسل پاکستان کیخلاف نقطہ چینی کر رہا تھا۔ پومیپو کیساتھ ملاقات میں واضح الفاظ میں ایشوز پر بات کی، ایک دم آسمان سے تارے توڑ کر نہیں لاسکتے، پومپیو کیساتھ ہونے والی ملاقات سے  مطمعئن ہوں۔ مائیک پومپیو کیساتھ ملاقات کے بعد امریکا کے مؤقف میں تبدیلی آئی، امریکا میں پاکستان کا مؤقف بڑے موثر انداز میں پیش کیا۔
انہوں نے کہا کہ صرف ایک نشست میں سب کچھ حاصل نہیں کیا جاسکتا، دہشت گردی کیخلاف پاکستان کی قربانیوں کا اعتراف ہونا چاہیے۔ اقوام متحدہ میں تقریر کو سراہنے پر سب کا مشکور ہوں، میری تقریر تمام پاکستانیوں کی آواز تھی۔ بدقسمتی سے امت مسلمہ میں جو اتفاق ہونا چاہیے تھا نہیں ہے، امت مسلمہ بٹی ہوئی ہے۔
شاہ محمود نے مزید کہا کہ او آئی سی اجلاس میں بھی الحمداللہ ہمیں کامیابی حاصل ہوئیں۔
شہباز شریف کی گرفتاری کے حوالے سے بات کرتے ہوئے ان کا کہنا تھا کہ شہباز شریف کی گرفتاری عدالتی عمل ہے، نیب نے تحقیق کے بعد گرفتاری کا فیصلہ کیا، نیب خودمختار ادارہ ہے۔ شہباز شریف کیخلاف کیس تحریک انصاف نے نہیں بنایا، ہمیں عدالتوں کا احترام کرنا چاہیے، گرفتاری سے پی ٹی آئی کا کوئی کریڈٹ نہیں، نہ کسی کو کریڈٹ دے سکتا ہوں نہ لے سکتا ہوں۔ انہوں نے کہا کہ شہباز شریف کو قانونی جنگ لڑنے کا حق ہے۔