لاہور: شہباز شریف کی احتساب عدالت میں پیشی: بکتر بند گاڑی سے گر کر لیگی کارکن زخمی
نیب لاہور نے گزشتہ روز سابق وزیراعلیٰ پنجاب شہباز شریف کو صاف پانی کیس
میں طلب کیا تھا، تاہم اُن کی پیشی پر انہیں آشیانہ اقبال ہاؤسنگ کیس میں
کرپشن کے الزام میں گرفتار کرلیا تھا۔نیب نے آج شہباز شریف کو انتہائی سخت
سیکیورٹی میں بکتر بند گاڑی میں احتساب عدالت پہنچایا۔
احتساب عدالت کے باہر مسلم لیگ (ن) کے کارکن بھی بڑی تعداد میں جمع تھے،
جن کی جانب سے شدید نعرے بازی کی گئی۔جیسے ہی شہباز شریف کو لے کر بکتر بند
گاڑی احتساب عدالت پہنچی تو وہاں موجود لیگی کارکنوں نے گاڑی پر چڑھنے کی
کوشش کی، جن میں خواتین بھی شامل تھیں، جس پر سیکیورٹی اہلکاروں نے کارکنوں
کو گاڑی سے نیچے اتار دیا۔اس دوران ایک لیگی کارکن گاڑی سے نیچے گر کر
زخمی ہوئے، جنھیں طبی امداد کے لیے اسپتال منتقل کردیا گیا