لاہور:لگتا ہے پاکستان ایشیا کپ جیتے گا، شاہد آفریدی
لاہور میں میڈیا سے گفتگو کرتے ہوئے شاہد آفریدی نے کہا کہ ایشیا کپ سے پہلے پاکستان کی پرفارمنس بہت اچھی رہی، سرفراز احمد ٹیم کو بہت اچھا لے کر چل رہے تھے۔اچھی پرفارمنس کی وجہ سے پاکستان ٹیم پر دباؤ تھا، قوم کو پاکستان ٹیم سے توقعات بہت زیادہ تھیں، میں اس وقت بہت مثبت سوچ رہاہوں، اب پرفارمنس اچھی نہیں رہی تو ٹیم کو سپورٹ کرنا چاہیے۔
شاہدآفریدی کا مزید کہنا تھا کہ مجھے لگتا ہے پاکستان ایشیا کپ جیت جائے گا، تنقید ہوتی رہی ہے اسے چیلنج کے طور پر لینا چاہئے، یہی ہمارے کھلاڑی ہیں اور یہی ہمارا مستقبل ہے، پاکستان کے یہی نوجوان کھلاڑی 2019ورلڈ کپ کے ہیں