لاہور، مسائل کی نشاندہی کے حوالے سے میڈیا کا کردارکلیدی اہمیت رکھتا ہے، وزیر اعلیٰ پنجاب
/font>
وزیراعلیٰ پنجاب سردار عثمان بزدارسے کونسل آف پاکستان نیوزپیپرزایڈیٹرزکے صدرعارف نظامی کی سربراہی میں وفد نے ملاقات کی۔ وزیر اعلیٰ ہاؤس میں ہونے والی ملاقات میں سیاسی امور،ملکی صورتحال اوراخباری صنعت کو درپیش مسائل کے حل کے حوالے سے تبادلہ خیال کیا گیا۔
اس موقع پر وزیر اعلیٰ پنجاب سردار عثمان بزدار کا کہنا تھا کہ مسائل کی نشاندہی کے حوالے سے میڈیا کا کردارکلیدی اہمیت رکھتا ہے ۔صحافت ریاست کا چوتھا ستون ہے ۔وزیراعظم عمران خان کے نئے پاکستان کے وژن کو پایہ تکمیل تک پہنچائیں گے۔اہداف کا تعین کرلیا ہے اورتیزی سے ان کے حصول کیلئے کوشاں ہیں۔ہماری نیت ٹھیک اورسمت درست ہے ۔میرے دروازے ہمہ وقت کھلے ہیں۔
ان کا مزید کہنا تھا کہ پنجاب میں آپ کو ہر سطح پر میرٹ نظر آئے گا۔کابینہ مکمل اور وزراء کو ذمہ داریاں تفویض کی جاچکی ہیں۔اخباری صنعت کے مسائل ا ن کی مشاورت سے حل کریں گے۔ فیصلے مشاورت سے کر کے ان پر عملدرآمد کیا جاتا ہے ۔سابق دور کے منصوبوں کے آڈٹ کا حکم دے دیا ہے ۔کابینہ کی سب کمیٹیاں تشکیل دی جاچکی ہیں جو کہ اپنا اپنا کام کررہی ہیں۔
وزیر اعلیٰ پنجاب کا یہ بھی کہنا تھا کہ بلدیاتی اداروں کے نئے منصوبوں کیلئے فنڈز کے اجراء پر پابندی عائد کردی گئی ہے ۔ہم قانون کے دائرہ کار میں رہتے ہوئے اپنے فرائض سرانجام دے رہے ہیں ۔ اینٹی کرپشن ادارے کی کارکردگی تسلی بخش نہیں۔ اینٹی کرپشن ادارے کی کارکردگی کو بہتر بنانے کیلئے ہدایات دی جاچکی ہیں۔ہمارا کام آپ کو نظر آئے گا۔
ان کا کہنا تھا کہ میں صبح سے رات گئے تک سرکاری فرائض کی انجام دہی میں مصروف رہتا ہوں ۔وزارت اعلیٰ کا منصب سنبھالنے سے قبل دوپہر کو دو گھنٹے آرام کرتا تھا۔اب آرام کا وقت نہیں ملتا ہر وقت کام میں مصروف رہتا ہوں ۔