اسلام آباد،واشنگٹن امداد نہیں بلکہ اتحادی سپورٹ فنڈ کی مد میں ڈالرز دیتا رہا،وزیر خارجہ
وزیر خارجہ شاہ محمود قریشی نے کہا ہے کہ خطے میں امن و استحکام کے لیے پاکستان نے قربانیاں دی ہیں،امریکا سے عزت و احترام کا رشتہ چاہتے ہیں،واشنگٹن امداد نہیں بلکہ اتحادی سپورٹ فنڈ کی مد میں ڈالرز دیتا رہا۔
اسلام آبادمیں ذرائع ابلاغ عماہ کے نمائندوں سے گفتگو کرتے ہوئے شاہ محمود قریشی کا کہنا تھا کہ پاکستان کو اندرونی سیکیورٹی چیلنجز کا سامنا ہے،جی ایچ کیو میں بہت اچھی میٹنگ ہوئی جو اچھے ماحول میں ہوئی اور میٹنگ میں وزیراعظم کو دی جانے والی بریفنگ ملکی مفاد میں ہے۔
وزیر خارجہ کا کہنا تھا کہ گزشتہ حکومت کی صورتحال یہ تھی کہ کسی لیول پرانگیج منٹ نہیں ہورہی تھی،خطے کو دہشت گردی سے پاک کرنا چاہتے ہیں،5 ستمبر کو امریکی وزیر خارجہ پاکستان کے دورے پر آرہے ہیں اور ان سے عزت و احترام کے دائرے میں رہتے ہوئے تعلقات بحال کریں گے۔
شاہ محمود قریشی نے مزید کہا کہ عزت و احترام کے رشتے کو ملحوظ خاطر رکھتے ہوئے امریکہ سے تعلقات وقت کا تقاضا ہیں،امریکانےسابق حکومت کےدورسےہی یہ فنڈ معطل کررکھا ہے، یہ پیسا امریکا نے ہمیں واپس کرنا تھا،یہ وہ پیساہےجو پاکستان نے اپنے وسائل سے خرچ کیا ، یہ پیسہ ہم نے امن،استحکام اوردہشت گردی کےخاتمےکے لیے خرچ ہوا، یہ ہمارا پیسا ہےہم نے خرچ کیا ہےتاہم میں وضاحت دینا ضروری سمجھتا تھاکہ ہم نےیہ سب اپنےملکی مفادکے لیے کیا۔
شاہ محمود قریشی نے یہ بھی بتایا کہ افغان حکام سے ہمارا رابطہ ہے انہوں نے اقدامات کا وعدہ کیا ہے،یں،جلال آباد میں قونصل خانہ بند کرنے کا اقدام سیکورٹی وجوہات پر اٹھایا۔
وزیر خارجہ نے مزیدکہا کہ فرانسیسی صدر کی کال آئی اور طے ہواکہ بعد میں بات ہوگی جس سے ایک نئی اوپننگ ہمارے سامنے آرہی ہے۔