Sep 01, 2018 03:38 pm
views : 417
Location : Parliament Lodges
Islamabad- PPP Delegation Meets BNP Akhtar Mengal.
اسلام آباد،فضل الرحمن سے معاملات پر الیکشن سے پہلے اچھا نتیجہ نکلے گا، اعتزاز احسن
پیپلز پارٹی کے نامزد صدارتی امیدوار اعتزاز احسن نے امید ظاہر کی ہے کہ الیکشن سے قبل مولانا فضل الرحمن سے معاملات کا اچھا نتیجہ نکلے گا۔
اسلام آباد میں پیپلزپارٹی کے مرکزی رہنماؤں نے پارلیمنٹ لاجز میں بلوچستان نيشنل پارٹی کے سربراہ اختر مینگل سے ملاقات کی اور صدارتی امیدوار اعتزاز احسن کو ووٹ دینے کی درخواست کی،وفد میں اعتزاز احسن، پی پی پی سیکرٹری جنرل نیئر بخاری، سینیٹر شیری رحمن، ترجمان چوہدری منظور شامل تھے۔
ملاقات کے بعد ذرائع ابلاغ عامہ کے نمائندوں سے گفتگو کرتے ہوئے سردار اختر مینگل نے کہا کہ پی پی پی کے علاوہ دیگر جماعتوں کے لوگ بھی ہمارے پاس آئے ہیں، ہم ایسا فیصلہ کرنے کی کوشش کریں گے جس سے وفاق مضبوط ہو۔اعتزاز احسن نے کہا کہ سردار صاحب نے سی پیک اور لاپتہ افراد سمیت مختلف مسائل پر بات کی، زیادہ تر بات بلوچستان کے مسائل پر گفتگو کی گئی، مولانا فضل الرحمن کے ساتھ معاملات ابھی چل رہے ہیں، وہ ایک معتبر سیاست دان ہیں اور ان کا ایک مقام ہے، ہم کسی صورت ان پر حرف نہیں لانا چاہتے۔اعتزاز احسن نے مزید کہا کہ ہماری کوشش ہے مولانا صاحب ہمارے حق میں دستبردار ہو جائیں، جبکہ مولانا کی کوشش ہے ہم دستبردار ہو جائیں، اس پر انتخابات سے پہلے کوئی اچھا نتیجہ نکلے گا، اعتزاز احسن کی قیادت میں پیپلز پارٹی کا وفد آج کراچی جائے گا جہاں وہ مختلف جماعتوں سے صدارتی ووٹ کیلئے ملاقاتیں کریں گے۔