ملک بھر میں کرونا وائرس کے کیسز میں اضافہ جاری ہے
ملک بھر میں کرونا وائرس کے کیسز میں اضافہ جاری ہے، گزشتہ 24 گھنٹوں کے دوران 3 ہزار سے زائد نئے کیسز رپورٹ کیے گئے۔ ملک میں چوبیس گھنٹے کے دوران مثبت کیسز کی شرح پانچ اعشاریہ تین چھ فیصد ریکارڈ کی گئی۔ کورونا وائرس سے 44 افراد جاں بحق ہوگئے، جس کے بعد اموات کی تعداد 29 ہزار 731 ہوگئی۔ پاکستان میں کورونا کے تصدیق شدہ کیسز کی تعداد 14 لاکھ 80 ہزار 592 ہوگئی۔ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 19 نئے کیسز رپورٹ ہوئے، پنجاب میں 4 لاکھ 94 ہزار 238، سندھ میں 5 لاکھ 56 ہزار 772، خیبرپختونخوا میں 2 لاکھ 8 ہزار 817، بلوچستان میں 35 ہزار 17، گلگت بلتستان میں 11 ہزار 116، اسلام آباد میں ایک لاکھ 32 ہزار 892 جبکہ آزاد کشمیر میں 41 ہزار 740 کیسز رپورٹ ہوئے۔