پاکستان مسلم لیگ(ن) کے صدرشہباز شریف کا کہنا ہے کہ عالمی ادارے کی رپورٹ فرد جرم ہے کرپٹ حکمران استعفیٰ دیں۔
پاکستان مسلم لیگ(ن) کے صدرشہباز شریف کا کہنا ہے کہ عالمی ادارے کی رپورٹ فرد جرم ہے کرپٹ حکمران استعفیٰ دیں۔
شہباز شریف کا بیان میں کہنا تھا کہ ٹرانسپرنسی انٹرنیشنل نے مسلسل دوسری بارگواہی دی ہے کہ عمران نیازی حکومت کرپٹ اورچورہے۔ عالمی ادارے کی رپورٹ فردجرم ہے کرپٹ حکمران استعفیٰ دیں ملک ان کی لوٹ مارکا متحمل نہیں ہوسکتا۔
شہبازشریف نے کہا کہ عمران نیازی کی وزارت اعظمیٰ میں پاکستان کرپشن میں تیزی سے ترقی کررہا ہے۔ دنیا کہہ رہی ہے کہ وزیراعظم چورہے۔
انہوں نے کہا کہ ٹرانسپرنسی انٹرنیشنل کے کرپشن کے عالمی انڈیکس میں پاکستان کی 16 درجے تنزلی افسوسناک ہے۔ عالمی سطح پرملک کی بدنامی کا دکھ ہے۔ آٹا،چینی، بجلی، دواؤں، یوریا اورایل این جی سمیت ہرشعبے میں کرپشن ہوگی توپاکستان کرپشن انڈیکس میں 124 سے 140 پرکیوں نہیں جائے گا۔
کرپشن کرپشن کا شور مچانے والوں کی روز چوریاں پکڑی جا رہی ہیں۔ دوسروں پر بے بنیاد الزامات لگانے والوں کو عالمی ادارے چور اور کرپٹ قرار دے رہے ہیں۔
ای آئی یو کا پاکستان کے اسکورکو 40 فیصد اورورلڈ اکنامک فورم کا 5 فیصد اسکور کو کم کرنا پی ٹی آئی کی کرپشن پر فرد جرم ہے۔
مسلم لیگ ن کے رہنما اور سابق وزیر اعظم شاہد خاقان عباسی نے کہا کہ سب کو چور کہنے والا خود چور نکلا ، صادق اور امین سب سے زیادہ کرپٹ نکلے ، ملک میں مہنگائی اسی کرپشن کی وجہ سے ہے ۔
شاہد خاقان عباسی نے کہا کہ یہ کہتے ہیں میں آفس میں بیٹھ کر تماشے دیکھتا ہوں ، پاکستان میں پی ٹی آئی کی تین حکومتیں ہیں اور ملک میں کرپشن کی وجہ یہی ہیں ۔ حکومتی کرپشن نے 152ویں پوزیشن حاصل کی ہے ۔
دوسری جانب مسلم لیگ نون کے رہنما عطا تارڑ نے مطالبہ کیا ہے کہ شہزاد اکبر کا نام ای سی ایل میں ڈالا جائے۔
عطا تارڑ کا کہنا ہے کہ شہزاد اکبر اسپین میں اپنی اہلیہ کی جائیداد کا بھی حساب دیں، اور ان سے ادویات، مالم جبہ جیسے اسکینڈل کا حساب کیوں نہیں لیا گیا، ان کیخلاف باقاعدہ تحقیقات شروع کی جائیں۔