Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Jan 21, 2022 04:08 pm views : 340

Karachi - Heavy snowfall forecast in Murree, alert issued New cold wave in Karachi from tomorrow

مری میں شدید برفباری کی پیشگوئی، الرٹ جاری کراچی میں کل سے سردی کی نئی لہر ، درجہ حرارت 8 ڈگری تک گرنے کا امکان

محکمہ موسمیات نے جمعے کی رات سے پیر کی صبح تک مری میں شدید برفباری کی پیشگوئی کردی ہے، ضلعی پولیس کی جانب سے ٹریفک ایڈوائزری الرٹ جاری کرکے اضافی نفری تعینات کردی گئی ہے۔
سی ٹی او راولپنڈی وسیم ریاض کا کہنا ہے کہ مری میں 8 ہزارسے زائد گاڑیوں کو داخلے کی اجازت نہیں ہوگی،شام 5 سے صبح 5 بجے تک سیاحوں کے مری میں داخلے پر پابندی ہوگی،مری کے داخلی راستوں پرخصوصی چیکنگ پکٹس قائم کی گئی ہیں۔
سی ٹی او نے بتایا کہ مکینیکلی فٹ گاڑی اور لائسنس ہولڈر ڈرائیورز کو ہی مری جانے کی اجازت ہوگی،جبکہ مری آنے والے سیاح موسم کی شدت اور رش کی صورتحال کو مدنظر رکھیں، گاڑی میں اضافی گرم کپڑے اور کھانے پینے کی اشیاء ضرور رکھیں۔
سی ٹی او راولپنڈی کا کہنا ہے کہ گاڑی میں ہیٹرکے استعمال اور شیشوں کو مکمل بند کرنے سے کاربن مونو آکسائیڈ پیدا ہوتی ہے، دوران برفباری گاڑی خراب ہونے یا برف میں پھنسنے پر گاڑی میں رات گزارنے سے اجتناب کریں۔
اس کے علاوہ دوران برفباری سلپری روڈ ہونے کے باعث گاڑیوں کے ٹائروں پر چین کا استعمال کریں، برف ہٹانے والی مشینوں کو فوری راستہ دیں۔
وسیم ریاض نے کہا کہ مری میں تقریباً 3500 گاڑیوں کی پارکنگ کی گنجائش ہے،برفباری کے دوران روڈ کے سائیڈ پر گاڑی کھڑی کرنے سے گریز کریں،تنگ روڈ پر گاڑی کھڑی کرکے سیلفیاں بنانے سے گریز کیا جائے جبکہ سیاح ایمرجنسی صورتحال کے پیش نظر اپنی گاڑی میں مکمل ٹول کٹ رکھیں۔
دوسری جانب محکمہ موسمیات نے کراچی میں جمعے سے سردی کی نئی لہر کی پیش گوئی کرتے ہوئے کہا لہر میں درجہ حرارت 8 سے 9 ڈگری تک گرسکتا ہے۔
محکمہ موسمیات کے ڈائریکٹر سردار سرفراز کی جانب سے بیان میں کہا گیا ہے کہ کراچی میں جمعے سے سردی کی شدت میں اضافہ ہوگا ، سردی کی اس لہر میں درجہ حرارت 8 سے 9 ڈگری تک گرسکتا ہے۔
محکمہ موسمیات کا کہنا تھا کہ کل سے شروع ہونیوالی سردی کی لہر 7 دن برقرار رہنے کا امکان ہے۔
ڈائریکٹر سردار سرفراز نے بتایا آج دن میں موسم خشک اور رات میں سردرہے گا تاہم دن میں گرد آلود ہوائیں چلنے کا امکان ہے اور درجہ حرارت 27 ڈگری تک جانے کا امکان ہے۔
محکمہ موسمیات نے کہا دن میں ہوا 40 کلومیٹر فی گھنٹہ کی رفتار سے چلے گی جبکہ کل سے شہر میں مزید تیز ہوائیں چلیں گی ، ہوا کی رفتار میں اضافے سے سردی کی شدت بڑھے گی۔
دوسری جانب محکمہ موسمیات نے آئندہ چوبیس گھنٹے میں کوئٹہ، لاہور، اسلام آباد اور پشاورسمیت ملک کے بیشترعلاقوں میں کہیں ہلکی تو کہیں تیز بارش کی پیشگوئی کی ہے جبکہ کشمیر اور گلگت بلتستان میں بھی بارش اور پہاڑوں پر برفباری متوقع ہے۔