Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Jan 04, 2022 03:11 pm views : 275

Quetta - Rains in different parts of the country, snowfall in the mountains, heavy rains in the coastal areas of Balochistan have wreaked havoc.

ملک کے مختلف علاقوں میں بارش ، پہاڑوں پر برف باری ،بلوچستان کے ساحلی علاقوں میں ہونے والی تیز بارشوں نے تباہی مچادی ہے

ملک کے مختلف علاقوں میں بارش اور برف باری کے باعث موسم کی شدت میں مزید اضافہ ہوگیا ہے۔گوادر کے مختلف علاقوں میں رات گئے گرج چمک کے ساتھ بارشوں کا سلسلہ جاری ہے، شہر کےجنوبی حصےمیں بارش کا پانی گھروں میں داخل ہوگیا ہے اور کئی علاقوں میں بجلی کی فراہمی معطل ہوگئی ہے۔
چیف میڑولوجسٹ کراچی سردار سرفراز کا کہنا ہے کہ کراچی میں8 جنوری سے سردی کی شدت میں اضافہ ہوگا۔ درجہ حرارت سنگل ڈیجٹ میں جاسکتا ہے۔ بارش کے پورے سلسلے میں 40 سے 50 ملی میٹربارش ہوسکتی ہے۔
ادھر تربت میں بھی شدید بارشوں نے تباہی مچادی ہے، گذشتہ رات نو بجے سے جاری بارش تاحال جاری ہے، جس کے باعث کیچ کے نشیبی علاقوں میں سیلابی ریلہ داخل ہوگیا ہے اور تربت کا بلوچستان کے دیگر حصوں سے رابطہ منقطع ہوگیا ہے، سیلابی ریلہ دشت بلنگور ،ڈلےسر،بل کراس اور کاشاپ میں تباہی مچائے ہوئے ہیں، مقامی انتظامیہ نے ناخوشگوار حالات کے پیش نظر ایمرجنسی امدادی ٹیم دشت بل نگور کیلئےروانہ کردی ہے۔
محکمہ موسمیات نے مشرقی بلوچستان میں آئندہ 2 دن تک بارش اور پہاڑیوں پر برفباری کی پیشگوئی کی ہے، جس کے نتیجے میں درجہ حرارت نقطہ انجماد سے گرنے کا امکان ہے۔
ملک کے مختلف علاقوں میں موسم سرما کی بارش جاری ہے، اسلام آباد، لاہور، راولپنڈی میں وقفے وقفے سے ہونے والی بارش نے موسم کو مزید سرد کردیا ہے جبکہ ساہیوال، چیچہ وطنی، شیخوپورہ میں ہونے والی بارش کے باعث موسم شدید سرد ہوگیا ہے۔
اسی طرح راولاکوٹ اور مضافات میں بارش اور بنجونسہ اور تولی پیر میں پہاڑوں پر برفباری کے باعث موسم شدید سرد ہوگیا ہے اسی طرح چلاس شہر اور مضافات میں شدید سرد موسم کا وار جاری ہے، جہاں بالائی علاقوں میں برفباری نے نظام زندگی معطل کردیا ہے۔
شانگلہ میں برفباری کی وجہ سےبالائی پہاڑی علاقوں میں رابطہ سڑکیں بند ہوچکی ہیں جبکہ بشام اور چکیسر کوبجلی کی فراہمی معطل ہے، مقامی انتظامیہ نے برف باری کے باعث کسی بھی ناخوشگوار واقعے کے پیش نظر بشام سوات روڈ پربغیر سنو چین گاڑیوں کی آمدورفت پر پابندی عائد کردی ہے۔
سوات اور گردونواح میں برفباری کا مزہ لینے سیاحوں کی بڑی تعداد موجود ہے اور قدرت کے حسین نظاروں سے لطف اندوز ہورہے ہیں۔
ادھر صوبہ سندھ کے ضلع جیکب آباد میں موسم سرما کی پہلی ہلکی بارش نے موسم مزید سرد کردیا ہے، بلوچستان کے علاقے گوادر، جیونی، پسنی اورماڑہ میں بھی تیز بارش نے موسم کو مزید سرد کردیا ہے۔