پاکستان میں کورونا کیسز میں کمی کا رحجان برقرار، 4 اموات اور370 کیسز رپورٹ
تفصیلات کے مطابق نیشنل کمانڈ اینڈ آپریشن سینٹر کی جانب سے کورونا وبا کی صورتحال کے تازہ ترین اعدادو شمار جاری کردیئے گئے ، جس میں بتایا گیا ہے کہ ملک میں 24 گھنٹےمیں کورونا سے مزید 4 مریض جان کی بازی ہار گئے ، جس کے بعد کورونا وائرس سے مجموعی اموات 28 ہزار 843 ہوگئیں۔
این سی اوسی کا کہنا تھا کہ 24 گھنٹے میں 44 ہزار 609 کورونا ٹیسٹ کئے گئے ، جس میں سے 370 افراد میں کورونا کی تصدیق ہوئی، اس دوران کورونا کے ٹیسٹ مثبت آنے کی شرح 0.82 فیصد رہی۔
نیشنل کمانڈاینڈ آپریشن سینٹر نے بتایا کہ ملک بھر میں کورونا کے 706 مریضوں کی حالت تشویشناک ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 89 ہزار 913 تک پہنچ گئی ہے۔
اعدادو شمار کے مطابق سندھ میں کورونا کیسز کی تعداد چار لاکھ 78 ہزار 412 ، پنجاب میں 4 لاکھ 43 ہزار 985 ، خیبرپختونخوا میں ایک لاکھ 80 ہزار760 اور بلوچستان میں 33 ہزار 539 ہے جبکہ اسلام آباد میں ایک لاکھ 8 ہزار 172 ، گلگت بلتستان میں 10 ہزار 427 اور آزاد کشمیر میں 34 ہزار608 کیسز سامنے آچکے ہیں۔