Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Dec 14, 2021 06:19 pm views : 300

Quetta - Significant development in video scandal, confirmation of abuse of woman who complained against accused Hidayat Khilji

 ویڈیو اسکینڈل میں ایک اہم پیش رفت، ملزم ہدایت خلجی کیخلاف شکایت کرنے والی خاتون سے زیادتی کی تصدیق

تفصیلات کے مطابق کوئٹہ ویڈیو اسکینڈل میں ملزم ہدایت خلجی کے خلاف درخواست گزار خاتون کا طبی معائنہ کیا گیا ، اسپتال ذرائع کا کہنا ہے کہ ابتدائی رپورٹ میں خاتون سے مبینہ زیادتی کے شواہد ملے ہیں۔
ہدایت خلجی پر زیادتی کے الزامات لگانے والی خاتون کا طبی معائنہ بولان اسپتال میں کیاگیا ، میڈیکل ٹیسٹ کے لیے خاتون اور ملزم ہدایت خلجی کے نمونے حاصل کرلیے گئے ہیں۔
یاد رہے نازیبا ویڈیو اسکینڈل میں مغوی لڑکیاں تاحال بازیاب نہ ہوسکیں ، مشیرداخلہ ضیالانگو کا کہنا تھا کہ مغوی لڑکیوں کی بازیابی کیلئے افغان حکام سےرابطہ کیا ہے اور لڑکیوں کو واپس لانے کے لیے ہر ممکن اقدامات کر رہے ہیں۔
صوبائی حکومت کے اجلاس کے بعد ویڈیو سکینڈل پر میڈیا کو اپ ڈیٹ دیتے ہوئے ضیاء اللہ لنگو نے کہا کہ وہ اس کیس میں ملزمان کو نہیں بخشیں گے کیونکہ ان کی کارروائیوں سے بلوچستان کی روایات پر دھبہ لگا ہے، جہاں خواتین کی بہت عزت کی جاتی ہے۔
مزید برآں بلوچستان کے صوبائی دارالحکومت کوئٹہ میں پولیس کی جانب سے ہدایت خلجی کے ویڈیو اسکینڈل کے تیسرے ملزم کی گرفتاری کے لیے چھاپے مارے جارہے ہیں ، جس پر لڑکیوں کو اغوا کرنے اور ان کی فحش ویڈیوز بنانے کا الزام ہے۔
خیال رہے ہدایت خلجی سمیت دو مشتبہ افراد پہلے ہی حراست میں ہیں اور انہیں مقامی عدالت نے 14 دن کے لیے ریمانڈ پر دے رکھا ہے، پولیس کا کہنا ہے کہ ویڈیوز لاہور کی فرانزک لیب کو بھیج دی گئی ہیں ، رپورٹ کا انتظار کر رہے ہیں۔