شیخوپورہ: شدید دھند کے باعث ایم ٹو پر متعدد گاڑیوں میں تصادم
تفصیلات
کے مطابق شیخوپورہ موٹر وے ایم 2پر کالاشاہ کاکو انٹر چینج کے قریب دھند کے
باعث متعدد گاڑیاں آپس میں ٹکراگئیں، جس کے نتیجے میں 16 افراد زخمی
ہوگئے۔
موٹر وے حکام کے مطابق حادثات موٹروے اورلاہورروڈ پر خان پور نہر
اپرچناب کےقریب ہوئے، حادثات شدید دھند کے باعث پیش آئے، اطلاع ملنے پر
فوری امدادی کارروائیاں کیں گئیں اور زخمیوں کو طبی امداد کے لئے قریبی
اسپتال منتقل کیا گیا۔
حکام نے بتایا کہ حادثے کے باعث کئی گاڑیوں کو
نقصان پہنچا جس کے باعث ٹریفک کی روانی معطل ہوئیں، ٹریفک معطل ہونے سے
گاڑیوں کی قطاریں بھی لگ گئیں۔
حکام نے موٹر وے پر سفر کرنے والوں کو
مشورہ دیا ہے کہ فوگ لائٹس کا استعمال کریں، غیر ضروری طور پر موٹروے کا
سفر کرنے سے گریز کریں اور کسی بھی حادثے کی صورت میں ہماری ہیلپ لائن 130
پر کال کریں۔