بھارتی مسلسل کشمیریوں کا قتل عام کرکے آبادی کا تناسب بدل رہا ہے, مشعال ملک
حریت رہنما یاسین ملک کی اہلیہ مشعال ملک کا کہنا ہے کہ بھارتی مسلسل کشمیریوں کا قتل عام کرکے آبادی کا تناسب بدل رہا ہے، عالمی تنظیموں کو بھارتی مظالم پر خاموشی توڑنا ہوگی۔
تفصیلات کے مطابق حریت رہنما یاسین ملک کی اہلیہ مشعال ملک نے مقبوضہ کشمیر میں جاری ظلم و بربریت کے حوالے سے کہا کہ مقبوضہ کشمیر میں بھارتی فوج نے تین نوجوانوں کو شہید کر دیا، نوجوانوں کی گاڑی پر اندھا دھند فائرنگ کی گئی۔
حریت رہنما کا کہنا تھا کہ بھارتی فوج جہاں چاہتی ہے، فائرنگ سے نوجوانوں کوشہید کر رہی ہے ، اقوام متحدہ کے نمائندوں کشمیر کا دورہ کرکے شہیدوں کے ورثا سے ملاقات کریں۔
مشعال ملک نے کہا کہ بھارتی مسلسل کشمیریوں کا قتل عام کرکے آبادی کا تناسب بدل رہا ہے، عالمی تنظیموں کو بھارتی مظالم پر خاموشی توڑنا ہوگی۔
دوسری جانب بھارتی مظالم کیخلاف مقبوضہ کشمیر میں مکمل ہڑتال ہے ، مقبوضہ جموں و کشمیر میں دکانیں اور کارباری مراکز بند ہے ، ہڑتال حریت رہنماؤں کی کال پر کی جارہی ہے۔
خیال رہے قابض بھارتی فورسز کی وادی میں ریاستی دہشت گردی جاری ہے، گزشتہ روز سری نگر میں قابض بھارتی فوج نے3 کشمیریوں کوشہید کیا جبکہ رواں ماہ بھارتی جارحیت سے 10 سے زیادہ کشمیری شہید ہوچکے ہیں۔