Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Nov 16, 2021 05:27 pm views : 288

Islamabad - Rana Shamim's statement is fake, attacking courts is tradition of PML-N

 رانا شمیم کا بیان جعلی، عدالتوں پر حملہ آور ہونا ن لیگ کی روایت ہے ، فواد چودھری

فواد چودھری کا کہنا ہے کہ عدالتوں پر حملہ آور ہونا ن لیگ کی روایت ہے، نواز شریف اور مریم نواز کی پیشی سے قبل سازش گھڑی جاتی ہے، رانا شمیم کا بیان جعلی ہے، حسین نواز تمام معاملے کو ڈیل کر رہے ہیں۔
وفاقی وزیر اطلاعات فواد چودھری نے اسلام آباد میں میڈیا سے گفتگو کرتے ہوئے کہا کہ ن لیگ نے عدلیہ کے خلاف مہم شروع کر رکھی ہے، کل جعلی بیان حلفی ریلیز کر کے عدلیہ پر حملہ کیا گیا، بیان حلفی کی فیس بھی نواز شریف فیملی نے ادا کی۔ انہوں نے کہا کہ پارلیمان کا اجلاس کل طلب کر لیا ہے، پارلیمان سے انتخابی اصلاحات کا بل پاس کرا رہے ہیں، انتخابی اصلاحات ہو کر رہیں گی۔
فواد چودھری کا کہنا تھا کہ الیکٹرانک ووٹنگ مشین اور انتخابی اصلاحات قومی ایجنڈا ہے، اپوزیشن انتخابی اصلاحات پر ہمارے ساتھ بیٹھے اور اپنی تجاویز دے۔
قبل ازیں الیکشن کمیشن کیخلاف نازیبا زبان استعمال کرنے پر وزیر اطلاعات فواد چودھری نے معافی مانگ لی۔ الیکشن کمیشن نے تحریری معافی نامہ جمع کرانے کی ہدایت کر دی جبکہ الیکشن کمیشن نے اعظم سواتی کو جواب جمع جرانے کا آخری مہلت دے دی۔
وزیر اطلاعات فواد چودھری ذاتی حیثیت میں پیش ہوئے اور کہا کہ وہ خود وکیل ہیں اور حکومتی ترجمان ہیں، بہت سارے بیانات ان کے ذاتی نہیں ہوتے، وہ جواب کے چکروں میں نہیں پڑنا چاہتے، استدعا ہے کہ معذرت قبول کرتے ہوئے نوٹس واپس لیا جائے۔ الیکشن کمیشن نے فواد چودھری سے تحریری معافی نامہ مانگتے ہوئے ریمارکس دیئے کہ اس پر حکمنامہ جاری کرینگے۔
وزیر ریلوے اعظم سواتی کی طرف سے ان کے وکیل پیش ہوئے اور موقف اختیار کیا کہ اعظم سواتی سینیٹ اجلاس کی وجہ سے پیش نہیں ہوسکتے۔ الیکشن کمیشن نے ریمارکس دیئے کہ سینیٹ کا بہانہ بنایا اور جواب جمع نہیں کرایا، الیکشن کمیشن نے اعظم سواتی کو جواب جمع کرانے کی آخری مہلت دیتے ہوئے کیس کی سماعت 3 دسمبر تک ملتوی کر دی۔