گزشتہ 24 گھنٹوں میں ملک میں کورونا وائرس کے مزید نو افراد انتقال کر گئے
نیشنل
کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں
کے دوران 449 نئے کیسز رپورٹ ہوئے، پنجاب میں 4 لاکھ 41 ہزار 176، سندھ
میں 4 لاکھ 71 ہزار 963، خیبر پختونخوا میں ایک لاکھ 78 ہزار 643، بلوچستان
میں 33 ہزار 338، گلگت بلتستان میں 10 ہزار 394، اسلام آباد میں ایک لاکھ 7
ہزار 151 جبکہ آزاد کشمیر میں 34 ہزار 495 کیسز رپورٹ ہوئے۔ملک بھر میں اب
تک 2 کروڑ 11 لاکھ 43 ہزار 23 افراد کے ٹیسٹ کئے گئے، گذشتہ 24 گھنٹوں کے
دوران 41 ہزار 709 نئے ٹیسٹ کئے گئے، اب تک 12 لاکھ 25 ہزار 880 مریض
صحتیاب ہوچکے ہیں جبکہ ایک ہزار 235 مریضوں کی حالت تشویشناک ہے.پاکستان
میں کورونا سے ایک دن میں 9 افراد جاں بحق ہوئے جس کے بعد وائرس سے مرنے
والوں کی تعداد 28 ہزار 547 ہوگئی۔ پنجاب میں 12 ہزار 949، سندھ میں7 ہزار
596، خیبرپختونخوا میں 5 ہزار 774، اسلام آباد میں 944، بلوچستان میں 357،
گلگت بلتستان میں 186 اور آزاد کشمیر میں 741 مریض جان سے ہاتھ دھو بیٹھے۔